دراما الواقع.. "الاختيار": البطولة مش بس في أرض المعارك كن بطلا بـ"شهامتك وإنسانيتك"
دراما الواقع.. "الاختيار": البطولة مش بس في أرض المعارك كن بطلا بـ"شهامتك وإنسانيتك"
مقاتل شجاع، ومحارب قوى، وقائد حكيم لا يهاب الموت ولا يخشى رصاص الإرهابيين، بل يقف بثبات شديد يقاتلهم ببسالة عن قرب، كل هذه الصفات اجتمعت فى الشهيد البطل أحمد صابر المنسى، الذى نتابع قصة حياته يومياً من خلال مسلسل «الاختيار»، ويجسد فيه دور البطولة الفنان أمير كرارة، بطولة «المنسى» التى أبهرت المشاهدين لم تكن فقط على أرض سيناء، فأصدقاؤه والمقربون منه رووا بطولات أخرى تعكس شهامته وإنسانيته، فى التعامل مع الجميع.
يحكى أحمد ديدا، أحد زملائه الذين عملوا معه فى عام 2007، موقفاً إنسانياً للشهيد، أثر فيه ولا يزال يتذكره: «جالى تليفون أن أبويا تعبان واتنقل للمستشفى، وقتها كان صعب ناخد إجازات بس قلت هروح للقائد المنسى، واحكى له على ظروفى وأنا وحظى، ولما قلت له يا أفندم أبويا تعبان قوى وعايز أنزل أشوفه، اتعامل معايا بلطف وهدانى واتوسط لى عشان آخد إجازة مش 3 أيام بس، لا أسبوع، وكمان وصلنى بعربيته بعد ما طلّع لى تصريح، وفاجئنى كمان بمساعدة مالية».
موقف آخر يحكيه كريم السيد، الذى خدم مع «المنسى» عام 2013، لأكثر من عام ونصف العام: «كنت باشوفه عن قرب بيتعامل مع الجنود اللى معاه بإنسانية عالية، كان بيخاف عليهم كأنهم إخواته، وكان يقول لهم ريحوا مع بعض، واحد يقف فى الشمس والتانى ينزل يريح عشان ماتتعبوش»، ومن أكثر المواقف التى تشارك فيها «كريم» مع «المنسى»: «فى مرة كان نفسى أقدم على عمرة وفاتحت المنسى فى الموضوع وقال لى وأنا كمان نفسى، ورحت كلمت القائد عشان يحط اسمنا فى القرعة وفعلاً جالى خبر إننا هنطلع عمرة مع بعض، ولما رحت أقول له قال لى أنا آسف هاعتذر عنها عشان أبويا تعبان أوى وفى المستشفى وبعدها بـ4 أيام والده اتوفى، ساعتها قلت له ده رزقك وربنا عايزك تروح، خصوصاً أنه كان طلع اسمه مرة قبل كده فى القرعة وإداها لوالده عشان يطلع هو».
