شوقي لأولياء الأمور: أبحاث الطلاب تباع بملايين.. وتعطونهم درس في الغش
شوقي لأولياء الأمور: أبحاث الطلاب تباع بملايين.. وتعطونهم درس في الغش
قال الدكتور طارق شوقي، وزير التربية والتعليم، والتعليم الفني، إن هناك الكثير من الطلاب، يريدون الغش في الامتحانات بالحجة والبرهان، "ده مثبوت ومش بنتقاول عليهم، لو لفيت على فيس بوك هنشوف ده، وفيه ناس بتبيع الأبحاث بالملايين، هل هذا الشيء يعمله الأهالي، وهل يشجعون أطفالهم على ذلك؟".
وأضاف "شوقي"، خلال مداخلة هاتفية في برنامج "بالورقة والقلم"، الذي يُعرض على شاشة "TeN": "لو الأسر تُحاول تشجيع الطلاب على شراء الأبحاث، عاوز أقولهم طب انتوا فرحانين ليه؟ لو هتدوني بحث حد تاني عمله، إيه اللي هيستفيده الطالب، كأنكم تعطون درس للطلاب في الغش، وأن اي شيء يتم شراءه بالأموال".
وتابع مستنكرا: "لا ده اللي المجتمع اللي احنا عاوزينه ولا ده اللي بنصرف فلوس عشانه، فيه مواجهة حقيقية هتحصل، لو مكنتش هتحصل دلوقتي هتحصل الأشهر المقبلة، الدولة مصرة أنها تعطي التعليم الجيد لمن يستحق، وحط خط تحت كلمه من يستحق".
