بريد الوطن.. مَرة
بريد الوطن.. مَرة
هى مَرة
تحِب مَرة
بصدق مَرة
تحب تانى
بتبقى مُرة
ما تحاولش تقلد اللى
كان ف مرة من زمان
اتوِلِد من تانى يمكن
ييجى بكرة بالأمان
التجارب فى الحياة دى
يوم تِقارِب يوم تعادى
انت مجروح بس جرحك
اللى جارحه مش حيادى
اللى كان فِ الأولى أصدق
فى اللى بعديها ابتذال
انت بتشوف مَرّة نفسك
بعدها.. بتشوف خيال
محمد خميس الحاوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
