وزير النقل: الحي الحكومي بالعاصمة الإدارية سيكون جاهزا في 10 أكتوبر
وزير النقل: الحي الحكومي بالعاصمة الإدارية سيكون جاهزا في 10 أكتوبر
قال المهندس كامل الوزير، وزير النقل والمواصلات، إن الحي الحكومي بالعاصمة الإدارية الجديدة، سيكون جاهزا يوم 10 أكتوبر المقبل، ولكن لن يتم تنفيذ احتفالية الافتتاح لحين إتمام باقي أعمال الاتصالات والأنظمة، ثم دعوة كبار الضيوف من القادة والرؤساء، "مش هنعمل عاصمة جديدة كل سنة ولا كل عشر سنوات ولا كل 100 سنة".
وأضاف "الوزير"، خلال مداخلة هاتفية في برنامج "على مسئوليتي"، مع الإعلامي أحمد موسى، على شاشة "صدى البلد"،: "مش هنعمل متحف بحجم المتحف المصري الكبير ده ولا عدد الآثار ولا عدد القطع الأثرية كل سنة ولا كل 300 سنة عشان كده لازم الافتتاح يليق بمصر ورئيس مصر والمصريين عشان كده اتخذ الرئيس القرار بتأجيل فعاليات الافتتاح".
وتابع: "المنطقة السكنية الثالثة جاهزة، المنطقة السكنية رقم 2 جاهزة، الحي الحكومي بكل بـمبانيه جاهزة، مجلس النواب جاهز مجلس الوزراء جاهز الجامعات جاهزة فيه جامعات شغالة الآن، معظم البنوك جاهزة فندق الماسة شغال، مدينة الفنون والأوبرا إن شاء الله جاهزة وشغالة، محطات القطار الكهربائي كلها هتبقى خلصانة إن شاء الله، المدينة الرياضية خلصانة، المكان بتاع أسر الشهداء والمصابين خلصان، كل ده هيكون خلصان، فيه حاجات خلصانه دلوقتي وفيه حاجات هتكون خلصانة 10 أكتوبر".
وواصل وزير النقل: "مشروعات زي دي مش معقول تنتهي على السكيتي، دي عاصمة مصر الجديدة".
