وزير التعليم: يجب على الأهالي ترك فرصة لأبنائهم حتى يتعلموا

11:22 م | الخميس 02 أبريل 2020

قال طارق شوقي، وزير التربية والتعليم، إنه وعلى كافة الأهالي ترك الفرصة للطلاب حتى يتعلموا، ويجب عدم شراء حل المشروعات التي أعلنتها الوزارة: "أنت كده بتهدر اللي أحنا بنعمله ومهارة الطفل، والطفل لازم يعمل الحاجة بأيده، ولو اشتريتها يبقي مش هيتعلم".

وأضاف "شوقي" خلال مداخلة هاتفية له ببرنامج "التاسعة" والذي يقدمه الإعلامي وائل الإبراشي، والمذاع على الفضائية المصرية الأولى، أن المشكلة ليست بشراء الشهادات، ولكن الأهم هو التعلم: "الوزارة بتقدم كل شيء لولادكم ما نستطيع بنعمله وبشكل مجاني، وإحنا عايزين المدارس الحكومية أحسن المدارس على مستوى العالم"، موضحا أن من سيقوم بالجهد في المشروع المقدم سينجح، ولكن سيفرق فيما بينهم هو المهارات الخاصة بكلا منهم: "إحنا هنقوله أعمل الجهد المعقول، هنقولك 5 أو 10 عناصر، أعمل أكتر من نصهم، ولو عملت 100% منهم انت الكسبان، وهنعمل جوائز لأحسن مدرسة ومشروع ومدرس".

وأكد أنه وعلى الطلاب التواصل مع بعضهم البعض بالتليفون أو الواتس أب: "يشتغلوا مع بعض من بيوتهم، وفيه منصة إلكترونية هنتيحها للي عنده أنترنت، واللي مش عنده كمبيوتر يكتب على ورقة ويدهالنا"، مشيرا إلى أنه قد حان الوقت لإثبات قدرة مصر على تطوير العملية التعليمية: "مفيش حاجة نخسرها، ولازم نجرب، النهاردة فيه 600 ألف طالب هيمتحنوا إلكتروني، واللي كان بيقولنا أنه مش هيحصل أهو دلوقتي حصل، ولو فاتنا 30 سنة بلاش نخليهم 35 سنة".