وزير النقل: 33 مليار جنية للارتقاء بـ"الجرارات" فقط في السكك الحديدية

10:37 م | الثلاثاء 31 مارس 2020

قال المهندس كامل الوزير، وزير النقل والمواصلات، إن هناك أطقم طبية، مما نطلق عليهم الجيش الأبيض، صعدوا على المركب التي كانت تحمل الـ20 جرارًا القادمين من الولايات المتحدة الأمريكية، وقاموا بعمل حجر صحي، واجراء الكشف على كل أطقم المركب، وبعد ذلك بدأت وزارة النقل، تعقيم كل هذه القطارات في 6 ساعات، "خلصناهم إمبارح بالليل".

وأضاف "الوزير"، خلال مداخلة هاتفية في برنامج "على مسئوليتي"، الذي يُعرض على شاشة "صدى البلد": "بدأنا ننزل الجرارات من المركب، أول جرار نزل امبارح، وبدأنا ننزل باقي الجرارات، نازلة خالية تقريبًا مش عاوز أقول بنسبة 100% من أي فيروسات أو أتربة، نازل جديد بيلمع"، موضحًا أن المواطنين سيروا اصطفاف 30 قطار جديد من بينهم الـ 20 الذين وصولوا مصر أمس، الأسبوع المقبل في ورش الفرز.

وتابع: "أخر جرار دخل السكك الحديد 2009 ، كان عددهم 81 ، توقفوا عن العمل نتيجة نقص قطع الغيار وليس عيوب من القطارات، جات واشتغلت وطبعا بدون قطع غيار مش هتشغل القطارات، مع 110 جرار الجديد اللي اتعاقدنا عليهم، اتعاقدنا في نفس الوقت على صيانة 81 جرار القدام، والجرارات الجديدة عملنا عليها عقد صيانة وتشغيل لمدة 15 سنة".

وأضاف: "هيكون عندنا أكثر من 800 جرار يعمل بكفائة عالية بشكل كامل سواء الجديدة او اللي في الصيانة بتكلفة 33 مليار جنية عشان نرتقي فقط بقوة الجر في السكك الحديدة، لازم القطارات كلها تبقى صالحة، لازم اطلع قطارات في الوقت اللي انا عاوزه، يبقى احنا عندنا اللي كان عندنا قبل كده بالصالح بالعاطل، عندنا موضوع مهم".