وزير الإعلام: تأجيل الدراسة وارد جدا.. "مش صح ننزل ولادنا تاني"

11:16 م | الاثنين 23 مارس 2020

قال أسامة هيكل، وزير الدولة لشؤون الإعلام، إن منحنى الإصابات بفيروس كورونا ما بين ارتفاع وانخفاض، "احنا بنشوف الأمور رايحة لفين، وبنحسب لنفسنا المدة، والموضوع وارد جدا يكون فيه قرارات سريعة الأيام الجاية، ولكن منستبقش الأمور".

وأضاف خلال اتصال هاتفي ببرنامج "على مسئوليتي"، المذاع على شاشة قناة "صدى البلد"، والذي يقدمه الإعلامي أحمد موسى، احنا مطلعين كل حاجة ليها توقيت محدد هيطلع فيه، من الوارد جدا إصدار قرارات لتأجيل الدراسة في المدارس والجامعات لأن الأزمة منتهتش، لما قفلنا المدارس كنا مسجلين 100 حالة إنما العدد النهاردة بقى 366 فبالتالي فيه خوف على أولادنا إن يروحوا المدارس تاني".

وأشار "هيكل" إلى أن قرار تأجيل الدراسة في يد وزيري التربية والتعليم والتعليم العالي، "الإجراءات كلها مفتوحة وواردة، في إدارة الأزمة أنت مش هتخرج بكل القرارات مرة واحدة، إنما موضوع المدارس في الغالب هيتمد تاني لأن الأعداد اللي وصلنا ليها دي مش صح ننزل ولادنا تاني".