فيديو.. بسمة وهبة تجوب شوارع القاهرة للتوعية بأضرار كورونا
فيديو.. بسمة وهبة تجوب شوارع القاهرة للتوعية بأضرار كورونا
نشرت الإعلامية بسمة وهبة، فيديو على حسابها الرسمي على "إنستجرام"، فيديو لها أثناء تغطيتها لتنفيذ التعليمات الصحية للوقاية من فيروس كورونا المستجد، بشوارع القاهرة.
وظهرت وهبة، مرتدية كمامة طبية وجوانتي، وقالت: "أنا نازلة بنفسي أشوف بجد فعلا زي مبيقولوا إنكم في الشارع وبتخاطروا بحياتكم ولا لأ".
وجلست جوار أحد الأشخاص على مقهى وسألته: "إيه اللي منزلك يا سيد في الوقت دا في الشارع؟"، ليرد عليها: "بجيب سجاير"، لترد: "يعني أنت مش نازل غصب عنك أنت نازل لكيفك عشان تجيب سجاير"، ليرد:"إحنا بالنهار في الشارع برضو"، لترد وهبة: "بص الزحمة دي كلها متنفعش".
وأشارت إلى أحدهم قائلة: "أنا مبسوطة منه إنه حاطط كمامة، لازم يا جماعة الكمامة ولازم الجوانتي، لو كنت مضطر إنك تنزل".
وركبت "توكتوك"، ووجهت كلامها إلى السائق: "أنت نازل ليه يا زكريا، دا الأسبوع دا أخطر أسبوع يا زكريا، ربنا عرفوه بالعقل، وأنت شكلك عندك برد أصلا"، ليرد عليها: "مصر كلها عندها برد، هو أنا اللي عندي برد لوحدي".
وسألته: "تعرف إيه عن كورونا"، ليرد: "أعرف إنها مرض وبتموت"، لترد عليه: "ربنا يهديك يا زكريا، وروح روح".
وجلست مع شخص آخر: "أنت قاعد بتشرب شيشة، وفي مكان زحمة".
وأوقفت سيارة وسألت أحد الركاب: "أنتوا عيلة واحدة ومش خايفين من النفس؟" فرد: "الحمد لله كلنا أسرة واحدة وربنا يعينكم ويشيل الهم".
وصعدت أحد الأتوبيسات، وسألت إحدى الراكبات: "تعرفي إيه عن كورونا"، لتجيب: "أعرف إنها بتعدي"، لترد عليها: "طب نازله ليه يا حاجة يا قمر؟".
واختتمت الفيديو: "أنا أما نزلت تعبت أكتر، فعلا فيه تكدس كبير، وناس مش هامهما، وفيه اللي يقولك نازل أجيب أكل أو عيش أو سجاير، طب أنت نازل تجيب الموت وراجع، خليكم في البيت، لأنه مش عند ومتعاندوش على حساب نفسكم وأولادكم".
