بسمة وهبة للمعترضين على إلغاء الموالد: "عايشين في هري بلا عقل أو منطق"

انتقدت الإعلامية بسمة وهبة، بعض المعترضين على قرار إلغاء الموالد، لتجنب الإصابة بفيروس كورونا، قائلة: "فيه حاجات بتحصل خارج العقل والمنطق، العالم خايف من فيروس كورونا، فيتم إيقاف العمرة، وصحن الكعبة يبقى فاضي عشان التعقيم، قرارات بمنع التجمعات".

وتابعت خلال برنامجها "كل يوم"، المذاع على شاشة "ON"، "كل الناس بتعمل ما في وسعها عشان تبعد خطر فيروس كورونا عن نفسها وعن مجتمعنا، إنما إحنا عايشين في وسط هري اسمه نمنع الموالد ولا لا"، موضحة أنه من الغريب أن الأشخاص الذين كانوا يطالبون بتعطيل الدراسة، هي ذاتها التي تعترض على تأجيل الموالد، "مش مهم نفهم إزاي لأن دة هري بلا منطق".

واستكملت: "تخيلوا لحد اللحظة دي لسة فيه ناس بتقول بلاش نلغي الموالد، في الوقت اللي مراكز الأبحاث وأهل العلم بيسابقوا الزمن علشان نلاقي حل، تلاقي واحد بيقولك هتمشي بالبركة متقلقوش، طيب هي البركة مطلوبة أكيد، ولكن لازم ناخد بالأسباب، احترام العقل والخوف على الناس، والعمل على الوقاية".

وأشارت إلى أنه في الفترة المقبلة ستشهد مصر 3 موالد كبيرة تبدأ بمولد السيد البدوي ثم مولد سيدي إبراهيم الدسوقي وأخيرا مولد السيدة زينب.  

• الموالد
• كورونا
• فيروس كورونا
• السيد البدوي
• السيدة زينب
• الموالد
• كورونا
• فيروس كورونا
• السيد البدوي
• السيدة زينب