والدة شهيد للسيسي: "مش خايفين من المرض يا ريس"
والدة شهيد للسيسي: "مش خايفين من المرض يا ريس"
بكت أمينة فتحي هلال أبو عرب، والدة الشهيد عمر شعبان قطرب، بطل الصاعقة المصرية، الذي استشهد برفح شمال سيناء، على الهواء، خلال حضورها لقاء الرئيس عبدالفتاح السيسي، بعدد من سيدات مصر، بمناسبة الاحتفال بعيد المرأة المصرية.
وقالت والدة الشهيد: "يوم الجمعة كلمني مرتين، قالي ادعيلي يا حاجة، أنا فداء مصر، وابني الكبير 27 سنة، يتمنى يروح مكان أخوه، ولو أسبوع أو أسبوعين والله، وبحلف بصدق لو انتو طالبينه، أنا بقدمه يا سيادة الرئيس، ده فداء لمصر، وعندي حفيد عنده سنتين، والله لو عشت هقدمه لمصر".
وواصلت: "إحنا مش خايفين من المرض يا ريس، إحنا جامدين أوي، لأننا مصريين وفي ضهر سيادتك".
ليرد عليها الرئيس عبدالفتاح السيسي قائلًا: "أنا بحييكِ يا أم عمر، الست المصرية قدمت الشهداء والمصابين، عشان إحنا كلنا، عمر استشهد عشان الدولة تبقى مستقرة وآمنة، وإحنا مقدرين لكل أم وأسرة، قدمت شهيد أو مصاب".
