والدة شهيد تبكي على الهواء.. والسيسي: نقدر مشاعرك وأقل حاجة نسمعك
والدة شهيد تبكي على الهواء.. والسيسي: نقدر مشاعرك وأقل حاجة نسمعك
- الشهداء
- أم الشهي
- الرئيس السيسي
- الرئيس عبدالفتاح السيسي
- الشهداء
- أم الشهي
- الرئيس السيسي
- الرئيس عبدالفتاح السيسي
بكت أمينة فتحي هلال أبو عرب، والدة الشهيد عمر شعبان قطرب، بطل الصاعقة المصرية، الذي استشهد برفح شمال سيناء، على الهواء، خلال حضورها لقاء الرئيس عبدالفتاح السيسي، بعدد من سيدات مصر، بمناسبة الاحتفال بعيد المرأة المصرية.
وقالت والدة الشهيد: "استقبلت الخبر بالفرحة، مش بالعياط، عشان ابني بطل، وقالي نفسي أبقى بطل، وبيتمناها ويعني كان دايما يقولي ادعيلي يا أمي، أجيلك شهيد، عشان تبقي أم البطل".
وأضافت: "فرحانة بيه دلوقتي، إني قابلت سيادة الرئيس نفسه، بحييك وأحي كلامك، وأحيي أمهات الشهداء كلهم، وأشكرك على تكريمي بالأم المثالية".
وتابعت: "آخر مرة وهو مسافر قلتله نفسي أسمع صوتك في الآذان، وكان دايمًا يبوسني من ايدي وراسي"، وقاطعت كلامها بقولها: "أنا عاملة قلق لحد".
ليرد عليها الرئيس عبدالفتاح السيسي، قائلًا: "قولي اللي انتي عاوزاه، ده إحنا نسمعك ونقدر كلامك، ونقدر مشاعرك وأحاسيسك تجاه ابنك، واللي انتي قدمتيه لبلدنا، أقل حاجة إني أنا أسمعك".
