وزير الإعلام: قطر من أعلى دول العالم في عدد إصابات كورونا
وزير الإعلام: قطر من أعلى دول العالم في عدد إصابات كورونا
قال أسامة هيكل وزير الدولة للإعلام، إن قناة الجزيرة القطرية لم تذكر ولم تتناول أي خبر بشأن عدد مصابي فيروس كورونا في قطر، رغم أن عدد مصابي الفيروس في قطر يصل لـ 500 حالة، مضيفًا: "لو حطينا الـ 500 حالة دول وتم مقارنتها بعدد سكان قطر اللي هما 300 لـ 400 ألف قطري هنلاقي عدد الإصابات في قطر من أعلى النسب في العالم".
وأضاف "هيكل"، خلال مداخلة هاتفية في برنامج " بالورقة والقلم"، الذي يُعرض على شاشة "TeN"، مع الإعلامي نشأت الديهي، أنه من الأفضل لقناة الجزيرة القطرية أن تُفكر في الدولة التي تبث منها وتذكر أخبارها وعدد مصابيها "إحنا بنقول اللي جوه بلادنا، مش محتاجين حد من برة يقولنا"، مستنكرًا شائعات انتشرت من صحيفة جارديان البريطانية حول إصابة 19130 شخصا في مصر بفيروس كورونا.
وتابع ساخرًا: "طب يا جماعة إحنا عاوزين المصدر عشان نشوف الأسماء دي فين عشان نعالج المواطنين بتوعنا، بس هما لا هيقدموا أسماء أو عناوين ولا هيقولوا حاجة، إحنا بعتنا تصريح رسمي بوقف المراسل، ولم نغلق المكتب ولكن أوقفنا المراسل، لأنه كذب على المواطنين وأثار البلبلة، لأنه مقالش ممكن يصل أو حوالي 19 ألف، لأ .. ده قال 19130 ورقم محدد يعني ليه مصدر، يبقى إحنا قدام خبر مش تقرير".
وواصل: "ده مش رأي أو تحليل، لو رأي أو تحليل قول زي ما انت عاوز، إنما إحنا عاوزين نعالج الناس اللي انت قلت انهم مصابين، المؤسسات الصحفية الكبيرة لازم تحاسب مراسيلها على صحة المعلومات اللي بتقدمها، هما لا هيحاسبوا ولا هيعملوا، إحنا لم نقاطع الصحف ولم نغلق الصحيفة، الصحفي ده كاذب وينبغي أن يعلن أمام العالم أنه كاذب".
