وزير الإعلام: عزل شرم الشيخ أمر وارد إذا تفاقمت الحالات
وزير الإعلام: عزل شرم الشيخ أمر وارد إذا تفاقمت الحالات
قال أسامة هيكل، وزير الدولة للإعلام، إن الحديث عن عزل المدن السياحية في مصر وخاصة مدينة شرم الشيخ، يُعد ترجمه خاطئة لبعض الإجراءات الاحترازية التي تتخذها الدولة لمجابهة فيروس كورونا، حيث إن الدولة أخذت قرارًا بوقف الطيران وتعليقه اعتبارًا من غدا الخميس 19 مارس مع ترك الخروج للوفود السياحية حين انتهاء برامجهم، على حد تعبيره.
وأضاف "هيكل"، خلال مداخلة هاتفية في برنامج "بالورقة والقلم"، الذي يُعرض على شاشة " TeN"، مع الإعلامي نشأت الديهي، أنه بهذا الإجراء فهناك توقعات بخروج وفود ومغادرتهم المدن السياحية خلال الأيام المقبلة، موضحًا أنه كان هناك حالة لسيدة إيطالية كانت مصابة في شرم الشيخ، وجرى عزلها ووضعها في مستشفى العزل في مصر.
وتابع: "الست دي طبعا كان فيه مخالطين ليها في الفندق، لما الناس دي تغادر هنطهر شرم الشيخ وهنبتدي نشوف المواطنين اللي جايين من محافظات أخرى اللي شغالين في شرم، بس اللي ساكن في شرم الشيخ هيفضل هناك، عشان الناس اللي جايين شرم دلوقتي لما يرجع بلده في الفترة اللي جاية دي هيرجع وهو سليم، عشان لو هو لا قدر الله مصاب بينقل مرض لمحافظات تانية".
وواصل: "كلمة عزل كلمه كبيرة أوي، لأن معناها أنت هتقفل النهاردة ولا حد داخل ولا خارج، طب ما عندك نفق الشهيد أحمد حمدي مفتوح والسياحة الداخلية والطيران الدخلي مفتوح، وبالتالي نشوف الناس اللي هيا احتمال تكون مصابة تفضل قاعدة 14 يوم لفترة الشفاء ويخرجوا، يبقى الفنادق لما ترجع السياحة إن شاء الله تكون نظيفة ومفيش حد عيان".
وأردف: "إنما مفيش عزل لشرم الشيخ حتى الآن، وراد يحصل عزل لشرم الشيخ بعدين إذا تفاقمت الحالات، أنا بقول لحد الآن مفيش عزل، أنا دايما ببقى دقيق في تصريحاتي عشان معرفش بكرة فيه إيه".
