زينة لوالدها في ذكراه: أنا بموت.. 12 سنة مشوفتكش
زينة لوالدها في ذكراه: أنا بموت.. 12 سنة مشوفتكش
استعادت الفنانة زينة ذكرى والدها الراحل، عبر حسابها على إنستجرام، في رسالة عتاب أرفقتها بصورته، قالت فيها: "من كتر ما أنا بحبك، نفسي أعاتبك إني بقالي 12 سنة مشوفتكش، وكأنه بإيدك يا أبويا استغفر الله العظيم اللهم لا اعتراض".
وتابعت زينة: "أنت ارتحت وأنا اللي بموت كل يوم من غيرك يا بابا، أنت أكيد مبسوط بس أنا لا، المهم راحتك بس وحشتني أوي، ومفيش طعم لحاجة من غيرك صايصة كدة ومالهاش لازمة الدنيا".
واستطردت زينة، في رسالتها لوالدها: "الله يرحمك ويعفو عنك في الجنة ونعيمها ويارب يكون بيوصلك سلامي ودعائي، وتكون عارف إن زي ما أنت عشت عشاني أنا وإخواتي ومتغرب وشقيان علشان تعيشنا كويس، إحنا كمان عايشين عشانك دلوقتي، إخواتي أحلى ذكرى من ريحتك وصلبك يا غالي".
يُشار إلى أنَّ آخر أعمال الفنانة زينة فيلم "الفلوس" قصة وبطولة تامر حسني، خالد الصاوي، محمد سلام، عائشة بن أحمد، وآخرون، وضيوف الشرف النجم أحمد السقا، ومي عز الدين، وسيناريو وحوار محمد عبدالمعطي، إخراج سعيد الماروق.
