عمرو أديب يعلق على صورة بائعة تتحدى الأمطار: إيه العظمة دي يا ست
عمرو أديب يعلق على صورة بائعة تتحدى الأمطار: إيه العظمة دي يا ست
- عمرو أديب
- سيدة الفاكهة
- الأمطار
- التنين
- التجمع
- الفاكهة
- عمرو أديب
- سيدة الفاكهة
- الأمطار
- التنين
- التجمع
- الفاكهة
علق الإعلامي عمرو أديب على صورة سيدة بسيطة تحدت مياه الأمطار لتبيع الفاكهة حفاظا على أكل عيشها، قائلا: "أكتر مشهد يجب أن تتوقف أمامه، الست دي اللي مصر كلها بتدور عليها، إيه العظمة دي يا ست".
وأضاف "أديب" خلال برنامجه "الحكاية"، المذاع على شاشة قناة "MBC مصر"، "قاعدة حاطة الفاكهة بتاعتها والماية بتجري من قدامها، أكل العيش يا ابني، هذه السيدة العظيمة مصر كلها بتدور عليها، المجلس القومي للمرأة طلع بيان يحيي هذه المرأة، تعرف معدن الست المصرية، لا تكلمني عن يوم المرأة".
وتابع: "الست دي بتنزل، أكيد من غير ما أعرف، بتجري على عيال وراجل، ولا همها مطرة ولا همها أي حاجة، تقول لأي عيل انزل هاتلي أي حاجة يقولك إيه يا بابا الدنيا بتمطر فيه إيه أنا مش فاضي حرام عليك، وهذه المرأة العظيمة تجلس في عز البرد وعز المطرة وفيه ناس قاعدة تكتب هاشتاج التنين، وهاشتاج التجمع".
