إصابة نشوى مصطفى بقطع في الرباط الصليبي بسبب مياه الأمطار
إصابة نشوى مصطفى بقطع في الرباط الصليبي بسبب مياه الأمطار
أصيبت الفنانة نشوى مصطفى بقطع في الرباط الصليبي، اليوم الجمعة، بعد انزلاق قدمها، بسبب تراكم المياه على سلالم منزلها.
وكتبت نشوى عبر صفحتها الشخصية بموقع "فيسبوك": "اتزحلقت على السلالم من المية وجالي رباط صليبي، الحمد لله والشكر لله على ما يقدره خير وشر، الخلاصة الإنسان ضعيف أوي، الله يشفي كل الناس، يارب اللي عندهم أي مرض، يارب الحمد لله على النعم اللي ما بنحسش بيها، يا رب الحمد لله على لطفك بينا".
وأضافت: "مش عارفة ازاي حاقدر أقعد أسبوعين من غير حركة، يارب هون، أكتر حاجة مضايقاني إني أول ما وقعت صرخت على ابني وكان نايم قام مفزوع، ملامح وشه وفزعته وهو بيشيلني من الأرض وجعت قلبي، اللي مستغرباله ليه ما وقعت وأنا في شدة الألم ما ندهتش عماد وندهت عبدالرحمن، أظن عماد كان ممكن لو شافني خضته يقع جنبي ومنلقيش حد يشيلنا إحنا الإتنين، خلوا بالكم من نفسكم".
وتشهد مصر حالة من الطقس السيئ تمثلت في هطول أمطار غزيرة على جميع أنحاء الجمهورية، تصاحبها عاصفة رملية ورعد وبرق في بعض المناطق، وتوقعت هيئة الأرصاد الجوية، سقوط كمية كبيرة من الأمطار أكبر من تلك التي تعرضت لها البلاد في أكتوبر الماضي.
