"السائق تركه على الدائري".. مطالبات بمحاسبة المتنمرين على صيني بسبب كورونا
"السائق تركه على الدائري".. مطالبات بمحاسبة المتنمرين على صيني بسبب كورونا
سادت حالة من الاستياء على مواقع التواصل الاجتماعي "فيس بوك"، عقب تداول فيديو لمواطن صيني تعرض للتنمر من قبل سائق أوبر وعدد من السيارات المجاورة له وقيامهم بتصويره عقب طلبه لسيارة أوبر من المعادي وعندما ذهب فوجئ براكب صيني، فبدأ في التنمر هو وآخرين يقودون سيارة أخرى، مرددين "كورونا كورونا".
ونزل السائق على الطريق الدائري وسحب مفتاح العربية وتركها لينزل الصيني من سيارته، محاولا وجود أي وسيلة مواصلات أخرى تنقله للمكان الذي يريده، ولكن لم يتوقف أحد له، حيث طالب رواد موقع التواصل الاجتماعي بمعاقبة السائق وكل من تنمر عليه.
وتفاعل عدد من رواد السوشيال ميديا على الفيديو، وقالت رانيا إبراهيم: "حسبي الله ونعم الوكيل فيكم أد إيه ذلتوه ربنا يبتليكم"، وعلقت آيات: "ايه قلة الأدب والوقاحة دي.. كنت عارفة أننا متخلفين ومبقاش فينا خير بس متخيلتش للدرجة دي.. والله إحنا اللي عندنا وباء عقلي ونستاهل كل اللي يجرلنا كنا نايمين في بيوتنا وهما بيسافروا العالم يتعلموا الراجل ده لازم ياخد حقه".
وعلقت أمنية: "أنت غبي ووقح.. ويا رب لك مثل ما فعلت ياللي بتضحك وبتقول ارميه"، وعلقت طيبة: "إحنا شعب بلا خلق ولا ذوق، وعلق بهجت: "المفروض رجل المرور يتم مساءلته قانونيا.. لأنه رجل مرور بدل ما يحل المشكلة واقف بيتفرج شوف يا مدير المرور الراجل بتاعك مش عارف يحل مشكله تافهة زي دي".
وعلق هشام: "وحضرتك يا محترم يالي بتصور فيديو ماختوش معاك ليه لأقرب مكان يعرف يقف فيه علشان يركب أي مواصلة بدل الوقفة على الدائري"، وعلقت هلا: "مش عارفة النيزك اتأخر ليه إحنا حلال فينا الحرق بجد"، وعلق مصطفى: "السواق هو اللي مسؤول عن كل اللي حصل ده ولازم يتحاسب وطالع يقول لكل الناس اللي ماشية ده عنده كورونا والناس طبيعي تخاف وماتستفسرش حتى".
وعلقت هاجر: "أولا مش أي حد عينه ضيقة يبقي صيني دي سلالة بحالها كده في كل العالم، وإحنا بردوا بيتقال علينا إرهابيين بره، هل دا يدلهم الحق أنهم يعملونا كإرهابين لما يشفونا في الشارع؟".
