الوزير عن شكاوى ارتفاع رسوم الـ كارتة: لازم نساهم.. وممكن نعمل اشتراكات
الوزير عن شكاوى ارتفاع رسوم الـ كارتة: لازم نساهم.. وممكن نعمل اشتراكات
علق الفريق كامل الوزير، وزير النقل، على شكاوى بعض المواطنين من ارتفاع قيمة رسوم "كارتة" طريق السويس بأن مصر تعمل على إنشاء طريق بطول 1155 كيلومترا من القاهرة حتى أبو سمبل، وقال إن تكلفة الطرق مرتفعة بخلاف الصيانة، وأنه لابد لمن يستخدم الطرق بعد تطويرها أن يساهم في التكلفة، مشيرا إلى أنه من الممكن عمل اشتراكات سنوية.
وأضاف، خلال مداخلة هاتفية ببرنامج "الحكاية"، الذي يقدمه الإعلامي عمرو أديب، على شاشة "mbc مصر"، أن تكلفة الشبكة القومية للطرق 175 مليار جنيه، وتساءل: "الدولة هتجبهم منين، وإذا مكنش اللي بيستخدم الطريق يساهم في الرسوم اللي بيدفها للعبور على الطريق هنجيب منين؟".
وتابع وزير النقل: "بنعمل 12 و14 حارة عشان الزحمة، ولو العربية الطبيعية ماشية بسرعة 100 كيلو بتعبر من نقطة الكارتة في دقيقة، ولو عندي 12 حارة بدل 6 حارات بتعبر في نص دقيقة، ومفيش زحمة زي الناس مبتقول وإحنا بنطور ونوسع الطريق عشان نتلافى كل هذه المشاكل"، موضحا أن الطرق تحتاج صيانة كل فترة، وأوضح: "متر المسطح في الأسفلت يتكلف من 450 لـ500 جنيه خلافا للصيانة، وفيه 35 مليار جنيه لرفع كفاءة الطرق المحلية داخل المحافظات وضخينا جزء لصيانتها بخلاف صيانة الطرق الرئيسية".
الوزير: مفيش دولة في العالم بتعمل طرق بمستوى عالي من غير رسوم
وأوضح وزير النقل أن التكلفة الإجمالية للطرق الجديدة وتطوير الطرق القديمة تبلغ 210 مليارات جنيه، "إذا كل إنسان وكل مستخدم طريق دفع 10 جنيهات أو 4 جنيهات مش هتأثر عليه، بخلاف إن فيه اشتراكات سنوية للسيارة الواحدة تبلغ قيمته 900 جنيه في السنة كلها يعني 3 جنيهات في اليوم لو فرضنا إنه هيتحرك على الطريق 300 يوم، وهيبقى فيه تيسير الفترة اللي جيه ومفيش دولة في العالم بتعمل طرق بمستوى عالي من غير رسوم".
