طارق الشيخ يقترح اختبار مغني المهرجانات: من يستحق يأخذ الكارنيه
طارق الشيخ يقترح اختبار مغني المهرجانات: من يستحق يأخذ الكارنيه
قال المطرب الشعبي طارق الشيخ، إنه رسب في اعتماد الإذاعة والتلفزيون 3 مرات، بالرغم من أنه أنتج ألبومات قبل ذلك.
واقترح الشيخ، خلال حواره مع الإعلامية ياسمين عز، مقدمة برنامج "حديث المساء"، عبر شاشة "mbc مصر"، أن تتعامل نقابة المهن الموسيقية، مع مطربي المهرجانات، وأن تضمهم إليها: "يا ريت أستاذ هاني شاكر ميقطعش رزق حد، وتكون الاختبارات علنية، عشان الناس تشوف وتقرر تسمع لمين".
وتابع: "لازم ده يحصل عشان ميقولوش هاني شاكر حاطط حد في دماغه، وأهم حاجة مخارج الألفاظ، لأن في ناس بتنطق غلط في الغناء، ولازم كل الناس دي تمتحن علني، والناس تشوف بعينيها وتسمع".
وشدد الشيخ، على ضرورة اختيار كلمات المهرجانات: "الأغاني دي بتدخل بيوت، وفي كلام مينفعش نسمعه، وفي الآخر بنلاقي مدارس بتشغلهم، وحفلات بتجيبهم، لازم النقابة تمتحنهم واللي يستاهل ياخد كارنيه النقابة".
