بريد الوطن.. غربتى
بريد الوطن.. غربتى
يا غربتى يلى
واخدانى
من ناسى
سنة ورا سنة
والعمر يفوت
وأنا ناسى
إن اللى بيفوت
عمره ما بيرجع
ده قانون ماشى
ضاعت سنين
العمر فى غربتى
وأنا فى غربتى
بآسى
ولما تأسى الغربة
أحن لذكرياتى
كأن العمر لسه
مامشاشى
أفتكر
حضن أمى الدافى
وإيد أبويا ماشية
فوق راسى
بيدعولى
أكون أحسن ناسى
وأرجع بعمرى
لمدرستى وكراسى
عصام أبوالدهب
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
