الطيار الموقوف يرد على رمضان: إحنا مش عصابة..مطلبتش منه فلوس ومش ببتزه

11:36 م | الأحد 23 فبراير 2020

نفى كابتن طيار أشرف أبو اليسر، ما قاله الفنان محمد رمضان، بشأن طلبه 9.5 ملايين جنيه، كتعويض عن تسببه في وقفه عن العمل مدى الحياة.

وقال أبو اليسر خلال مداخلة هاتفية مع الإعلامي عمرو أديب، مقدم برنامج "الحكاية"، الذي يعرض عبر شاشة "mbc مصر": "محمد رمضان وعدك على الهواء وقال إنه هيشوف اللي يعوضني، لكن متكلمش لحد النهاردة، ولما اتكلم قال أنا ليه مقدمتش الطعن رغم إني قدمته في مجلس الشعب ووزارة الطيران من أسبوع، مش أنا اللي أهتم بالفلوس أوي كده".

وحول تصريح محمد رمضان، الذي هاجمه فيه وقال "هيلموا بعض وهياخدوا فلوس يوزعوها على بعض"، قال أبو اليسر: "إحنا مش عصابة والفريق القانوني اللي معايا محترم، ومعايا شهادة واحدة فقط لا غير، ومش ببتزه زي ما قال".

وأشار الطيار الموقوف، إلى أنه عندما التقى مستشاره وطلب الأخير منه معرفة المبلغ المادي الذي يريده كتعويض رفض ذلك الأمر رفضًا باتًا: "قالي تطلب كام؟ قلتله لأ مطلبش، هو حرمني من 3 سنين ونص شغل، وخلاني أخرج من الشغل بطريقة أنا مكنتش عاوزها".