حمو بيكا: بكسب 90 ألف جنيه شهريا من يوتيوب
حمو بيكا: بكسب 90 ألف جنيه شهريا من يوتيوب
كشف المطرب الشعبي حمو بيكا عن طبيعة مرضه، الذي أعلن عنه أمس، قائلًا، إنه يمر بحالة صحية سيئة للغاية، ويعاني من ميكروب "كرونز"، يتسبب في تآكل جدار المعدة.
وأعرب بيكا، خلال مداخلة تليفونية مع الإعلامية لميس الحديدي على شاشة العربية "الحدث"، عبر برنامج "القاهرة الآن"، عن اعتراضه على وقف مغنيي المهرجانات الشعبية: "مش مبسوط وأغاني المهرجانات لايمكن منعها، لأنه فن فرضه الشارع وحبوه".
وأشار حمو بيكا، إلى أنه حاول التوجه للنقابة برفقة زملائه: "لكن هما رافضين ده تماما، وشايفين أن ده مش فن ومش معترفين بيه، دي مزيكا الناس حبتها ليه مابتمنعوش حفلات النايتس والكباريهات؟ معقولة مهرجانتانا هي الي عملت كل ده في المجتمع؟ وفيه تجاوزات كثيرة داخل الكباريهات".
وأردف: "أنا زعلان من حسن شاكوش لأنه موقفش معانا رغم أنه لسه جديد في مجال المهرجانات، وعشان مانضحكش على نفسنا، النقابة عاوزة تمحي فن المهرجانات، ولو منعونا من الشارع مش هيقدروا يمنعوا السميعة".
وتابع: "كفاية أننا بنمشي في الشارع مش عارفين نتحرك من الناس اللي ملمومة حوالينا"، مضيفا: "أنا باخد أرباح 90 ألف جنيه في الشهر بس، ومافيش حاجه اسمها ملايين وبندفع ضرايب، ولو بيجيب ملايين مكناش نزلنا نشتغل في الشارع".
