حمو بيكا: عندي مرض بياكل في جدار المعدة وواخد حقنة تمنها 120 ألف جنيه
حمو بيكا: عندي مرض بياكل في جدار المعدة وواخد حقنة تمنها 120 ألف جنيه
أعلن المطرب المهرجانات حمو بيكا، أنه مصاب بمرض في المعدة، خلال تصريحات لفضائية المحور، مشيرًا إلى أنه لا يرغب في خوض اختبارات نقابة المهن الموسيقية أو الحصول على عضويتها.
وقال "بيكا": "أنا بتعالج وعندي مرض بياكل في جدار المعدة، وواخد حقنة تمنها 120 ألف جنيه، الناس شايفين هيكل من برة بس ميعرفوش كل واحد عنده إيه".
كما دافع بيكا عن نفسه ضد الانتقادات التي يتعرض لها، قائلًا: "أنا مش بلطجي، عشان بحب الفن يبقى أنا بلطجي؟!، وغلطت لما عملت مشكلة في النقابة، وكل واحد بيغلط، بس محدش شاف إيه اللي اتعمل فيّا".
واعترف بيكا، أن صوته ليس جميلًا، معبرًا عن رفضه دخول امتحانات نقابة المهن الموسيقية: "أنا بقول لكل الناس على الهواء، لو دخلت لجنة هسقط، وفي ناس أصواتها جميلة هتسقط، أنا راجل مؤدي وليّا جمهور بيسمعني، إعملي تصريح وشغلني، مش عاوز كارنيه أو أبقى عضو في النقابة".
