حمو بيكا يهاجم شاكوش: "إحنا اللي عملناك.. شبع بعد جوع"
حمو بيكا يهاجم شاكوش: "إحنا اللي عملناك.. شبع بعد جوع"
هاجم مطرب المهرجانات حمو بيكا، في فيديو مباشر (لايف) بثه عبر صفحته على موقع "فيسبوك"، مواقع إخبارية نشرت أنباء حول منعه من السفر لأمريكا لإقامة حفلة هناك، الأمر الذي نفاه، مؤكدا أن حفلاته في أمريكا بموعدها وينتظر موعد مقابلته في مقر السفارة الأمريكية.
وأكمل قائلا: "أنا لا راجل حرامي ولا صايع أنا راجل شقيت وتعبت وكافحت لحد ما بقيت حاجة في الدنيا، الحمد لله سافرت وجيت وعملت حفلات في جميع البلاد تشرفني وتشرف مصر، أي جريدة عايزة تتسيط وتعمل شو إعلامي بتكتب عننا".
وشن مغنى المهرجانات هجوما حادا على المطرب حسن شاكوش، قائلا: "أنا تاريخي أكبر منك.. أعمل عملت: أنا حبيتك وجرحتيني، حب عمري، عالم فاسد، عنبر جنايات، حاجات كتيرة، تعالا قولي أنت تاريخك إيه في الحياة، إحنا اللي عملناك أنا اللي عملتك أنا اللي خليتك موجود وعملت تاريخك"، مضيفا: "عمر كمال أطيب إنسان في الكون.. وإحنا اللي خليناك تتعرف".
وتابع: "أنت شبعت بعد جوع، أنا اللي خليتك تتشاف، وبتنزل حفلات تغني شغلي، والكاميرات في الاستوديو بتاعي مصوراك أنا تاريخي أكبر منك".
