حمو بيكا: مكسبتش ملايين.. وحماقي حط إيده على أرباح "بنت الجيران"
حمو بيكا: مكسبتش ملايين.. وحماقي حط إيده على أرباح "بنت الجيران"
- حمو بيكا
- حسن شاكوش
- محمد حماقي
- اغنية بنت الجيران
- الفن
- اخبار الفن
- حمو بيكا
- حسن شاكوش
- محمد حماقي
- اغنية بنت الجيران
- الفن
- اخبار الفن
تحدث حمو بيكا مؤدي المهرجانات، عن المهن التي عمل بها قبل أن يعمل كمؤدي مهرجانات، خلال برنامج "تفاصيل" المذاع عبر فضائية "المحور"، قائلا: "كنت شغال على توك توك، وعملت أغنية اسمها قشطة ونجحت، وبعدين عملت أغنية اسمها (ظلموا المظلوم)، وجيت لفيجو وقولت له عاوزين نشتغل مع بعض".
ونفى بيكا ما تردد عن تربحه ملايين من موقع "يويتوب" 28 مليون جنيه، قائلًا: "مكنتش طلعت قولت للناس عايز اشتغل، والعربيات اللي جايبها دي جايبها قسط وانا واحد بحب العربيات"، نافيا حصول حسن شاكوش على 53 مليون جنيه عن أغنية "بنت الجيران"، مشيرًا إلى أنّ الشركة الخاصة بمحمد حماقي أوقفت أرباح أغنية "بنت الجيران" وطلبت الحصول على هذه الأرباح وإلا أوقفتها بسبب سرقة اللحن".
وتابع: "حماقي ماضي مع شركة وشاكوش ماضي مع شركة، واللحن والتراك متسجل في المصنفات، فالشركة حطت إيدها على التراك، يا إما نقفله يا إما تسيبوا الأرباح يا إما نرفع قضية".
وأشار بيكا إلى أنّ أكبر مبلغ حصل عليه من موقع "يوتيوب" وصل لـ90 ألف جنيه، نافيًا حصوله على ملايين بسبب الإعلان على قناته عبر "يوتيوب".
وأوضح بيكا أنّ نقابة الموسيقيين مقتنعين أنّه "بلطجي": "مقتنعين وبيقولولي انت بلطجي، واني لما احب شغلي وادافع أبقى بلطجي، وانا غلطان في موضوع اقتحام النقابة لكن محدش شاف إيه اللي خلاني اطلع اقول كده ومشوفتيش قبل الفيديو انا اتعمل فيا إيه".
وطلب بيكا عدم إدخاله للجنة للغناء للالتحاق بنقابة الموسيقيين: "ميقولوش أخش لجنة لاني لو دخلت لجنة هسقط، لأن فيه ناس أصواتها جميلة وبتسقط، وأنا واحد معترف بنفسي هدخل لجنة هسقط، أنا راجل مؤدي وليا جمهور بيسمعني، واتعمل لي تصريح، أنا مش عايز كارنيه أو أبقى عضو في النقابة عشان الغنا أكل عيشي ومعنديش أكل عيش غير الغناء".
