محمد رمضان يشارك في هاشتاج يدعو لمقاطعته: "نمبر وان" إرادة ربنا
محمد رمضان يشارك في هاشتاج يدعو لمقاطعته: "نمبر وان" إرادة ربنا
انتشر هاشتاج يدعو لمقاطعة محمد رمضان على موقع التدوينات القصيرة "تويتر" بوسم "قاطعوا محمد رمضان" واحتل المركز الأول في مصر.
"الوطن" ترصد بعض المشاركات في الهاشتاج كما يلي:
كتب حساب باسم "أبوكرتونة": "عزيزي محمد رمضان، ربك يمهل ولا يهمل وزي ما كنت سبب رئيسي في تغيير تقاليد ومبادئ كتير من الشباب للأسوأ، فربنا قدر في لحظة وفي فيديو تافه إنه يكشفك قدام نفس الشباب دول وإن مصلحتك أهم من أي حد والمهم عندك تجميع الفلوس بأي شكل وأي طريقة".
نشر حساب باسم شمس الزناتي صورة لرمضان وهو محمول على عرش وعلق: "وذو جهل قد ينام على حرير.. وذو علم مفارشه التراب".
بينما غرد إبرا: "عايز يكون طيار وعايز يكون ممثل ومطرب ومذيع وملاكم ومودل إيه يا عم ما تهدا شويا يا عم".
وغرد هيما عواد: "محمد رمضان أفسد جيلا كاملا بسبب أسلوبه القذر وتعليمه أساليب البلطجة وخاصة الجيل الصغير".
ووصف محمد البدري محمد رمضان بأنه "أفسد جيلا كاملا".
بينما قالت رحاب صلاح: "كفاية انحدار وسوء أخلاق وكذب وفجور.. في شباب خبرته قليلة وبيقلد وخلاص وفاكرين إنه قدوة للأسف.. ارحموا شبابنا من كمية التدني دي ويا ريت يكون في جهة مسؤولة عن سلوكيات الفنان ويتم إيقافه ويكون عبرة لغيره.. وبعدين عاوزين نعرف إيه موهبته بالظبط ؟".
وشارك أكرم نجل الفنان محمود البزاوي في الهاشتاج قائلًا: "ناس كتير من اللي بيتكلموا في الهاشتاج ده هما مش ضد نجاح محمد رمضان ولا ضده كممثل هما ضد افعاله بس مش أكتر.. يعني الناس مش ضدك الناس عايزك أحسن.. يا ريت ده اللي يوصل لأستاذ محمد رمضان ولازم برضو يعرف إن كلنا بنغلط بس لازم يبقى عندنا ثقافة الاعتذار".
حسام محمد قال: "حمو بيكا ومحمد للأسف رمضان بيقدموا أسفاف وسرسجة وبيركبوا بورش وآودي , ودكاترة ومهندسين شغالين ب 3 تلاف جنيه ومش عارفين يتجوزوا ولا يشتغلوا بشهاداتهم ربنا لاتحاسبنا بما فعل السفهاء منا".
وشارك محمد رمضان في الهاشتاج نفسه بفيديو قصير له وهو خارج من فيلته ويركب إحدى سياراته الفارهة وكتب عبر تويتر: "قاطعوا_محمد_رمضان في نفس يوم احتفالي بقناتي على يوتيوب بكسر حاجز الـ2 مليار و450 مليون مشاهدة في وقت قياسي"، مستطردًا: "رقم واحد ده إرادة ربنا مش إرادة تويتر".
وظهر رمضان في الفيديو وهو يقول إنه ذاهب لتصوير مسلسله الجديد "البرنس" والمنتظر عرضه في الموسم الرمضاني المقبل.
#قاطعوا_محمد_رمضان في نفس يوم احتفالي بقناتي على يوتيوب بكسر حاجز ال٢مليار و٤٥٠مليون مشاهدة في وقت قياسي #رقم_واحد ده إرادة ربنا مش إرادة تويتر pic.twitter.com/7LSZKdGW6A
— Mohamed Ramadan (@Mohamed_Ramadan) February 14, 2020
وأثار رمضان الجدل مؤخرا بعدما تسبب في فصل طيار وسحب رخصته نهائيًا بعدما صور فيديو لهم داخل كابينة الطائرة أثناء رحلة خاصة بالمخالفة للقانون وأكد بعدها أنه لن يتركه إلا أن الطيار اشتكى أن رمضان لم يتواصل معه ولم يرد على اتصالاته.
