بريد الوطن.. برىء مظلوم
بريد الوطن.. برىء مظلوم
صحيح قلبى ف هواك مسكين
لكن رافض يكون سكين
ف إيد النسوة من حولك
ولا قابل يسيب الجب من قبلك
ف ليه تقطع حبال ودى
وانا اللى مادة ليك يدى
وبتمنى أكون دلوك
وبتمنى أكون الرؤيا والتفسير
واكون الرد لو تسأل
مين فينا اللى كان يوسف
ومين اللى اترمى ف البير
واقولك أن أنا انت
أنا الكلمة اللى بتقولها
ولو حتى الحروف ساكتة
انا العمر اللى طارح ليك
سنابل خير
وانا المصلوبة من بعدك
وواكل من حنينى الطير
أنا اللى بس ليك وحدك
ولا عمرى هكون للغير
فمتسبنيش
بلاش تنسانى جوه الحزن أو متجيش
ولو حتى الأمانى عجاف
ولو لسه محبتنيش
بلاش ترمى على قميصى بحبك كذب
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
