زاهي حواس: عرض الآثار المصرية في الخارج يدر أرباحا طائلة
زاهي حواس: عرض الآثار المصرية في الخارج يدر أرباحا طائلة
دافع الدكتور زاهي حواس، عالم الآثار المصرية، عن عرض الآثار المصرية في الخارج، قائلًا إنها توفر أرباحا مادية طائلة للدولة المصرية، بالإضافة إلى كونها مصدر رائع للدعاية، للآثار والسياحة المصرية.
وأضاف خلال حواره ببرنامج "الحياة اليوم"، الذي يعرض عبر شاشة "الحياة اليوم"، ويقدمه الإعلاميان حسام حداد ولبنى عسل: "أسهل حاجة تحط الآثار في متحف وماتطلعهاش، الأثر لما بيسافر بيترمم والأثريين والشرطة بيسافروا معاه، ومحدش بيفتحه غيرنا، ومتحف توت عنخ آمون بيعملنا دعاية بالمجان كل يوم، حط الآثار هناك".
وتابع: "اللي مش عاوز الآثار تسافر ناس معندهاش دراية بالمصلحة العامة، الآثار بتسافر من زمان، وقبل إنقاذ آثار النوبة سافرت حوالي 55 قطعة أثرية مصرية، لكن دلوقتي بنسفر 150 قطعة مكررة بتلف العالم وبتعمل دعاية لو دفعنا ملايين مش هيحصل، وبتجيب فلوس للبلد".
وأردف: "كمان واحد في المتحف المصري رمم دقن قناع توت عنخ آمون بأبوكسي وبوظه، وكتبت عن توت عنخ آمون 17 كتابا، ودار نهضة مصر ستصدر كتابين للأطفال باللغتين العربية والإنجليزية، كما أرسلت بعثات كثيرة إلى الخارج، وعلمت منهم 500 أثري ومنهم الدكتور مصطفى وزيري".
وحول دوره في تخريج دفعات من الأثريين المصريين، قال: "في وادي الملوك يعمل 25 عامل أثري معي، تعلموا بشكل سليم وصاروا ينافسون الأجانب، اتعلمت كويس، وفخور إن ليّ تلامذة بيساعدوا وزير الآثار زي ما بيقولي".
