نهى عبد العزيز لـ"الوطن": "DMC" كوكتيل يجمع بين الحب والصداقة والإبداع

05:30 م | الثلاثاء 14 يناير 2020

احتفل نجوم شبكة قنوات "dmc" بمرور 3 سنوات على إطلاقها، عبر بث مباشر على الهواء بدأ من الساعة الثانية ظهر اليوم الثلاثاء، ويستمر حتى الساعة الحادية عشرة مساء، وتحدث فريق عمل القناة خلال الاحتفال عن أمنياتهم في العام الجديد، مع تقديم عدد من الفقرات الجديدة والتي يجرى تجهيزها في برامجهم المختلفة.

وقالت المذيعة نهى عبد العزيز: "قناة DMC عبارة عن خلطة جميلة كوكتيل بيجمع بين الحب والصداقة والحقيقة والإبداع ومش ممكن تكتمل من غير الناس الجميلة اللي بنحتفل معاهم النهاردة".

وأضافت في تصريحات خاصة لـ"الوطن": "إحنا دايما في DMC بنقعد مع بعض وبنتشارك في الرأي علشان نوصل ونشوف المشاهد محتاج يشوف إية من غير ما يطلب مننا مجرد إننا بناخد رأي بعض في كل حاجة وبنحط الأفكار مع بعض في نفس الوقت وده بيدينا الفرصة إننا نقدم للمشاهد كل حاجة نفسه فيها، إحنا في الأخر عايزين المشاهد يتفرج على محطة قاعد يتطمن وهو بيتفرج عليها هو وأسرته".

وتابعت: "برنامج السفيرة عزيزة موجه للأسرة كلها مش هقول للمرأة أو للأطفال فقط لا هو للأسرة وده اللي فعلا بيهمنا وهو ده اللي بيهم قناة DMC، وهو الحفاظ على الأسرة المصرية، فإحنا بالمحتوى اللي بنقدمه دايما بنقدم كل ماهو مفيد للأسرة المصرية كلها".

وعن علاقتها بزميلاتها مذيعات برنامج "السفيرة عزيزة"، أكدت نهى بأنها تربطها بهم علاقة صداقة وحب حتى أصبحوا بالفعل أسرة واحدة، مشية إلى أن المشاهدين يلاحظوا ذلك عند مشاهدة البرنامج.

وعن الفقرات الجديدة ببرنامج "السفيرة عزيزة"، كشفت نهى أن الفترة القادمة ستشهد العديد من الفقرات الجديدة لتكون عند حسن ظن المشاهدين، ومن ضمن الفقرات تقديم أنواع ووصفات طعام جديدة بكل حلقة من كل محافظة مصرية، بالإضافة إلى عقد لقاءات مع سيدات من كل الوطن العربي من خلال فقرة "قعدة ستات".