روشتة التعامل مع "الكلاب الضالة": شرسة ليلا.. لا تبادر بالهجوم عليها
روشتة التعامل مع "الكلاب الضالة": شرسة ليلا.. لا تبادر بالهجوم عليها
حالة ذعر تنتاب الكبار والصغار بسبب تزايد انتشار الكلاب الضالة فى الشوارع، الأمر الذى تصدى له عدد من الأطباء البيطريين عن طريق توجيه وتحذير المواطنين بكيفية التعامل مع كلاب الشارع، وكيفية حماية أنفسهم فى حالة التعرض للهجوم.
طارق حجازى، طبيب بيطرى، الذى يؤكد أن كلاب الشارع لا تسعى إلى الهجوم على الأفراد دون التعرض لها: «لو مفيش حد اتعرض ليها هى مش هتبادر وتهاجم أى شخص»، ويروى أن الكلاب الضالة تكون أكثر شراسة بوقت الليل عنها بالنهار: «الكلاب بالليل بتكون عدوانية أكتر، لو الشخص اتعرض لإصابة أول حاجة يعملها هى غسل مكان الجرح وتنظيفه بالصابون والبيتادين بيقتل الفيروس الناتج عن العضة، وبعد كده يستوجب الذهاب بعد ذلك لأقرب مستشفى».
وعن حملات إيواء كلاب الشارع الضالة التى انتشرت فى الفترة الأخيرة، ونادى بها الكثير من المهتمين بحقوق الحيوان، يرى «حجازى» أنه لا بد من تطعيم الكلاب ضد السعار قبل تربيتها بالمنزل.
خطورة انتشار داء الكلب المعروف باسم «السعار» بين الكلاب الضالة فى الشوارع، دعا ميادة ثروت، طبيبة بيطرية، للاهتمام بكلاب الشارع والعمل على تطعيمها ضد السعار: «الكلب المسعور بتكون له أعراض معينة، الكلب فى الأول بيكون هادى جداً، قاعد لوحده، ممتنع عن الغذاء، وبعد كده بيتحول يبدأ يعض نفسه وصاحبه، فمه مش بيتقفل، لدرجة إنه بيكون مش قادر يبلع أى حاجة، وبتيجى له بعض التشنجات، هنا الشخص لازم ياخد الكلب لعيادة بيطرية لاتخاذ اللازم»، وبحسب «ميادة» فإنه يفضل تطعيم الكلاب ضد السعار بداية من سن ٦ أشهر: «الكلاب الضالة منتشرة فى مصر بشكل كبير احنا من أكثر الدول المستوطنة للسعار».
