"عيش اللحظة".. مشوار تخيلي على الـGps بصوت بدرية طلبة
"عيش اللحظة".. مشوار تخيلي على الـGps بصوت بدرية طلبة
عادة ما يلجأ الكثير إلى استخدام الـGPS عبر موقع "جوجل"، للوصول إلى الأماكن المراد إليها بسهولة ويسر، وفي ظل استخدام تلك الخاصية، أعلنت الفنانة بدرية طلبة، أمس، أنها بصدد عمل تطبيق "Gps" بصوتها، تنفيذًا لرغبة متابعيها على مواقع التواصل الاجتماعي، لتخرج شركة "جوجل" بالنفي.
ما دفع بدرية، للتعليق خلال حديثها مع "الوطن"، قائلة إنها اشترت خرائط "جوجل" من المؤسسة، مع صديقتها ومديرة أعمالها رانيا يحيى، خلال الأيام الماضية، وهي ما اعتبرته بمثابة تعاون مع محرك البحث الشهير، تمهيدا لتسجيل صوتي لـ"Gps" عليها، مستعينة بإيفيهاتها الشهيرة خلال مسيرتها الفنية، متابعة: "أنا واضحة في كلامي، أنا هنزل أبلكشين بصوتي، وأنت حر تسمعني أو تختار الراجل الأجش".
ومع استعداد "بدرية"، لتسجيل إفيهاتها الشهيرة عبر تطبيق Gps، بحسب قولها، تخيل معنا في السطور التالية، أسرع طريقة للوصول إلى عملك بمنطقة الدقي، إذا كنت من ساكني مصر الجديدة، وذلك على صوت "بدرية طلبة" من لحظة تشغيل الأبلكيشن..
- "يا خويا حد ينزل في الساعة دي برضك؟ بهدلونا معاكم بقى وياريتنا شايفين منكم أبيض ولا أسود.. فكر ولو أنت مصمم يلا شد الحزام إلهي تنستر".
- شكلك مصمم دماغك ناشفة انت.. مش عارفة طالع لمين؟ طب يلا يا اخويا استعنا ع الشقا بالله رايح على فين قلتلي؟ معلش السن بقى.
- "دلوقتي أنت قدام عمارات العبور في شارع صلاح سالم، قصادك 3 طرق يلا بيكتشر ناو ريجاردلا وأنت تشوز منهم".
- "الطرق اللي قدامك هي كوبري أكتوبر، من صلاح سالم، أو من رمسيس".
- "طريق كوبري أكتوبر من صلاح سالم، يمشي مع عربيتك الكحيانة دي وهيبقى حنين على الشاسيه".
- "يلا اختاره أنت عوقت ليه يا جدع وغووشتني عليك".
- "دلوقتي احنا على كوبري أكتوبر، خليك ماشي علطول لا يمين واياك تجنح شمال.. أمال حضرتك فاكر إيه".
- "احنا وصلنا أخر الكوبري انزل بقا متخوتنيش، وإياك تطلع كوبري الدقي".
- "أنت متسربع ليه، الطريق زحمة وكله شمال استنى وأدخل شارع مصدق".
- "حمد الله على السلامة يا جدع ولو مش هو ده العنوان ماليش فيه".
