عروض تصل إلى 50% على أفراح الكريسماس: القاعات كامل العدد

عروض وخصومات على حجز قاعات الأفراح بمناسبة الاحتفال بليلة رأس السنة، شعار يرفعه أصحاب قاعات الأفراح بالتزامن مع بداية العام الجديد، ليدخلوا قدراً من البهجة والسعادة على العروسين مع بداية عام جديد. «الحجز كامل بليلة رأس السنة»، بحالة من الفرحة والسعادة يستقبل إبراهيم ماهر، صاحب قاعة أفراح فى محافظة المنوفية، العام الجديد، مؤكداً أنه يقدم عروضاً تصل إلى 25% على الأفراح التى تقام خلال هذه الفترة، وذلك للعام الثامن على التوالى: «الناس بتحجز اليوم ده من قبلها بفترة كبيرة جداً، عشان هو تاريخ مميز، يوم مش بيتنسى، وفى نفس الوقت بتكون فيه عروض كويسة جداً ومناسبة، الناس بتحجز من قبلها بسنة». وحسب «ماهر» فإن أسعار القاعات خلال هذه الفترة تتراوح بين 5 و7 آلاف جنيه: «الإقبال بيكون كثيف جداً فى نهاية السنة ويوم 1 يناير، بعد كده الإقبال خلال يناير بيقل عشان بتكون فترة امتحانات، الناس بتحجز تانى فى إجازة نصف العام».

«بعد التعويم الناس بقت تلجأ للعروض والأفراح فى سى كلاس، الإقبال عليها زاد من كل الطبقات»، كلمات هيثم عرفان، مسئول عن تنظيم حفلات الزفاف، موضحاً أنه يتم عمل خصومات تصل إلى 50% على الأفراح التى تقام خلال ليلة رأس السنة: «يوم 30 و31 الأفراح اللى بتتعمل فيهم بتكون أسعار أقل، الحجز السنة دى خلال اليومين كامل العدد، لأنه يوم مميز». وحسب «هيثم» فإن أسعار قاعات الأفراح متفاوتة: «القاعات الدرجة الأولى بيوصل الحجز لـ35 ألف جنيه، الدرجة الثانية 20 ألف جنيه، الثالثة بتوصل لـ10 آلاف جنيه، ودى الأكثر إقبالاً من كل الشرائح، الدرجة الرابعة بتتراوح بين 6 و7 آلاف جنيه، وبيختلف السعر بين القاعات الأوبن إير والمكيفة».

• ليلة رأس السنة
• قاعات الأفراح
• محافظة المنوفية
• المنوفية
• ليلة رأس السنة
• قاعات الأفراح
• محافظة المنوفية
• المنوفية