بريد الوطن.. شخص زيه
بريد الوطن.. شخص زيه
لو قابلتم شخص زيه
جوه قطر الدنيا ماشى
عند طنطا ف القناطر ف المناشى
اوعوا مرة تعلوا كومه
تخطفوه من عز نومه
توزنوه بالهدمة بالية
نفسه وزن الكون وعالية
شد رجله ف الاستباليا
ماشى يتعكز عليها
انتوا أدرى باللى فيها
وإن دخل وسط الكبار
كان ف نفسه يبيعله بيعة
تستر الحالة الوضيعة
تدى شمعة للنهار
جوه ليله.. الضلمة تضوى
كمسرى من إيده شده
زيه واغش مين يعدوا
تبنى سور والريح تهده
ربى عمره ما بينسى عبده
اللى جوه القطر ماشى
يا خراشى يا خراشى
بالتى أحسن هتدفع
طلقة من جواه كمدفع
رشت الدم ف وشوشنا
زلزلت ثابت عروشنا
لما صار الدم ميه
غطى وش كسوفنا طرحة
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
