كيف تصنع "دفاية"؟.. مروحة وغطيها بكرتونة ووصلها بلمبة
كيف تصنع "دفاية"؟.. مروحة وغطيها بكرتونة ووصلها بلمبة
مع انخفاض درجات الحرارة واشتداد طقس الشتاء والتقلبات المناخية، تظهر حاجة المواطنين إلى وحدات التدفئة، وترتفع أسعارها فى محال الأجهزة الكهربائية، باعتباره موسماً للشراء، مما دفع «أبوالعربى» لطرح فكرة بسيطة للتدفئة، دون تحمّل أعباء شراء دفاية، واستهلاكها المتزايد للتيار الكهربائى.
"العربى": تكلفتها بسيطة وبخامات موجودة فى كل بيت
«لمبة ومروحة ودواية وكرتونة»، أدوات بسيطة احتاجها محمد العربى، لتصنيع وحدة تدفئة بسيطة وعملية: «بمناسبة إن الشتاء بدأ، قررت أعمل دفاية، كل خاماتها موجودة عندنا فى البيت، مش هنشترى حاجة، فكرة بسيطة عبارة عن لمبة عادية ٢٠٠ وات تولد حرارة مثبتة فى كرتونة، ومروحة صغيرة زى الموجودة فى أجهزة الكمبيوتر تخرج الهواء الساخن، عن طريق فتحة بالكرتونة».
بعد متابعة «أبوالعربى»، كما يشتهر، لأسعار وحدات التدفئة فى محلات الأجهزة الكهربائية، قرر تحدّى نفسه لصناعة دفاية بأقل الأسعار: «بافتراض أن الخامات مش موجودة فى البيت، كل المطلوب من المتحمّس للفكرة شراء لمبة بـ١٠ أو ١٥ جنيه، ومروحة صغيرة وكرتونة، وطريقتها بسيطة، أى حد ممكن ينفّذها».
خطوات محدّدة لتصنيع الدفاية، استعرضها المخترع الشاب على قناته «أبوالعربى tv» بموقع «يوتيوب»: «قناتى أنشأتها لعرض الأفكار البسيطة، اللى ممكن أى حد فى البيت ينفّذها، وعرضت عليها أكتر من فيديو حاز على إعجاب الناس، زى (صلح الخلاط الكهربائى بنفسك)، (اصنع مكنسة كهربائية قوية باستخدام زجاجة مياه غازية)». يهوى «محمد» تصنيع الأجهزة وتصميم اختراعات بسيطة منذ الصغر، ولا يتكسّب منها، بينما مهنته الأساسية فنى صيانة على ماكينات خياطة، ويختار أفكاره بعد ملاحظة حاجة الناس إليها، وبناءً على سهولة تنفيذها، كما أنه يتصفّح مواقع الإنترنت باستمرار للاطلاع على أفكار تصنيع الأدوات البسيطة لتنمية وتطوير قدراته.
