سيد مصطفى يكشف حقيقة تردي حالته المادية: واقعة كشفي بجنيهين "كلام فارغ"
سيد مصطفى يكشف حقيقة تردي حالته المادية: واقعة كشفي بجنيهين "كلام فارغ"
نفى الفنان سيد مصطفى صحة واقعة خضوعه لكشف طبي بجنيهين داخل مركز طبي في منطقة أبوصير لتردي أوضاعه المادية، ردا منه على منشور متداول عن هذه الواقعة عبر موقع التواصل الاجتماعي فيس بوك.
وقال مصطفى، لـ"الوطن"، إن ما تردد في هذا الشأن "كلام فارغ" بحسب وصفه، مضيفا: "والله ما حصل الكلام ده، أنا فعلا تعبان بس مروحتش عند أبوصير، وبعدين هو في كشف بـ 2 جنيه دلوقتي".
وتابع: "أنا فعلا بتعالج بس مين الأخ اللي كاتب إني اشتكتله ده؟ عيب، هو أي حد يكتب أي حاجة يعني".
وبسؤاله عن أوضاعه المادية خلال الفترة الراهنة، رد قائلا: "الحمد لله تمام ومفيش أي حاجة".
كان حساب يدعى "مينا" عبر فيس بوك، أكد الواقعة في منشور قائلا: "الزمن ده قاسٍ جدا، الفنان سيد مصطفى وصل لحالة صعبة جدا في حياته، وصل لمرحلة إنه فعلا الزمن طحنه، وبيمر بأزمات كبيرة لا يتخيلها مخلوق، من يومين صديق عزيز قابله على طريق أبوصير وطلب منه يوصله، ولما سأله إيه اللي جابك هنا يا عم سيد، قاله كنت رايح مركز أبوصير عشان قلبي واجعني، ولما قاله بس ده بعيد عن بيتك، قاله أصل سمعت إن الكشف لسه هناك بـ 2 جنيه".
