عاجل.. السيسي: مفيش قطاع من قطاعات التنمية في مصر إلا واقتحمناه

10:42 ص | الثلاثاء 26 نوفمبر 2019

يفتتح الرئيس عبدالفتاح السيسي اليوم مشروعات قومية في محافظتي بورسعيد وشمال سيناء، عبر شبكة الفيديو كونفرانس، وتحدث خلال الافتتاح عن التكلفة اللازمة لتهيئة المنطقة الاقتصادية في قناة السويس.

وقال السيسي: "حبيت أقول للناس في مصر، المشروع ده كان مطروح قبل كده ومعرفناش نعمله عشان كان مطلوب أموال كتير ليه، وكان قدامنا خيارات إما نعمل الشغل وندي فرصة عشان يكون في شغل لولادنا وشبابنا ولا نقول خططنا وعملنا، وبعد كدا ميبقاش فيه المطالب اللي تنجح المشروع".

وأضاف السيسي: "المشروع ده كان عاوز مليارات كتير، عشان لما تيجي تقول للمستثمر تعالى في منطقة شرق بورسعيد وخدلك أرض وحط عليها منطقة لوجستية ومصنع على محور قناة السويس كان لابد نجهز أسباب النجاح للمشروع اللي بنتكلم فيه، اللي صرفناه النهاردة أموال هائلة لأن الأمور بتتكلف كدا".

وتابع الرئيس السيسي: "مفيش قطاع من قطاعات التنمية في مصر، أو قطاع من قطاعات العمل المطلوبة في مصر إلا لما اقتحمناها".

ويفتتح الرئيس عبدالفتاح السيسي عددا من المشروعات القومية المقامة على أرض محافظة بورسعيد، مثل أنفاق جنوب بورسعيد، ومحور 30 يونيو، كما يتفقد مستشفى النصر التخصصي لأورام الأطفال التابع لمنظومة التأمين الصحي الشامل، ومشروع المزارع السمكية بشرق بورسعيد ومشروع تطهير بحيرة المنزلة.

ومن المقرر أن يفتتح الرئيس السيسي أيضا، المرحلة الأولى من مشروع الأرصفة البحرية شرق بورسعيد بالفيديو كونفرانس.

وتعد زيارة الرئيس عبدالفتاح السيسي هي الثالثة لبورسعيد منذ توليه مهام منصب رئيس الجمهورية، وتدشينه مشروع شرق بورسعيد في 2015.