"مي": منتجات "صنع في دمياط" تجمع موديلات مختلفة تناسب الجميع

07:40 م | الأحد 24 نوفمبر 2019

على أحد مقاعد السفرة، التى تعرضها للزوار بالطابق الأول من المعرض، جلست «مى عماشة»، 24 عاماً، المسئولة عن جناح شركة لعرض الموبيليا، داخل معرض «صنع فى دمياط»، تتابع سير العمل وفواتير البيع، قائلة: «إحنا عائلة كبيرة شغالة فى المهنة دى بقالنا 80 سنة فى دمياط، وأنا واحدة من أحفاد العيلة دى»، موضحة أنها حصلت على بكالوريوس تربية فنية فى الزمالك، واستطاعت من خلال ما تعلمته فى دراستها أن تضع لمستها على إنتاج الشركة من الموبيليا، سواء فى اختيار الألوان المناسبة أو التشطيبات الأخيرة لأى منتج، وأن لديهم أكثر من ورشة ومعرض داخل محافظة دمياط، «بنعمل تشطيب الشغل كويس جداً ومش بنبخل على المنتج بتاعنا بحاجة».

مسئولة بشركة "موبيليا": شاركنا فى تأثيث عمارات "بشاير الخير" بمساعدة جهاز تنمية المشروعات

لم تكن تلك هى المشاركة الأولى للشركة فى المعرض، حيث شاركت أكثر من مرة سابقاً، حسبما أوضحت «مى»، مضيفة: «أى حد بيشتغل على منتج لازم يسوق له كويس، وده دور المعرض وفرصتنا فى التسويق، والناس عاجبها الشغل بتاعنا، لأن فيه أفكار وموديلات كتيرة فى الشغل المعروض، وتناسب الناس فى الأسعار بتاعتها سواء الغالى أو الرخيص»، مؤكدة أنها يركزون فى إنتاجهم من الموبيليا على الكلاسيك والمنتجات المُطعمة بالنحاس والزخرشة، وأنها ترى أن الاهتمام بالدعاية للمعرض هذا العام لم تكن موفقة، على الرغم من ارتفاع جودة كافة المنتجات المعروضة هذا العام.

تتعامل «عماشة» مع جهاز تنمية المشروعات منذ سنين طويلة، وحصلت من خلاله على قرض، وفقاً لـ«مى»، قائلة: «إحنا كنا محتاجين قرض لأننا اشترينا ورشة فى مدينة دمياط الجديدة، وكنا مطالبين بفرش موبيليا لأكتر من عمارة فى المشروع القومى بشاير الخير اللى فى إسكندرية، وعشان كده احتجنا فلوس وقتها وخدنا فعلاً قرض منهم، وقدرنا بالفلوس دى إننا نقوم بالمشروع ده»، مؤكدة أن الحصول على القرض والعمل على هذا المشروع وفر فرص عمل كثيرة للعمال أصحاب الأسر «الناس دى فاتحة بيوت، فى وقت كان الشغل فيه نايم أصلاً، وجه المشروع ده فتح بيوت ناس كتيرة بدل ما يقعدوا فى البيت من غير شغل».