بريد الوطن.. موجوع
بريد الوطن.. موجوع
وأدينى مشيت وانا موجوع
رحت والرجوع ممنوع
هسيب كل اللى حبيته
مضطر وع الرحيل مدفوع
خلاص كل اللى قلته انسوه
وانسوا شكلى وملامحى
وجسمى تحت التراب خبوه
وقبر عليه يدوب اسمى
لكل اللى اشتكى منى
واللى ظلمنى وكسرنى
واللى كنت تقيل عليه
خلاص أنا آسف اعذرنى
مفيش دلوقتى غير صورة
وضحكتى فيها مكسورة
وروح تعبت معاكو خلاص
بقت مع ربى مجبورة
يا خايف آجى أشكيلك
ومن همى قفلت الباب
وكنت بتهربوا منى
نافقوا وقولوا كنتوا أحباب
تعالوا واشهدوا وداعى
وتنزل دمعة كدابة
ولا ماتجوش مفيش داعى
بلاش حزن وكآبة
أنا رايح ومش راح أعود
وكل همومى انسوها
محمد عبدالعزيز ميجان
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
