بلَّغ عن سائق ميكروباص.. مبادرة لوقف تجاوزات "الأجرة" فى 6 أكتوبر
بلَّغ عن سائق ميكروباص.. مبادرة لوقف تجاوزات "الأجرة" فى 6 أكتوبر
- سائق ميكروباص
- سائقي الميكروباص
- مدينة 6 أكتوبر
- مرور أكتوبر
- سائقو سيارات الأجرة
- سائق ميكروباص
- سائقي الميكروباص
- مدينة 6 أكتوبر
- مرور أكتوبر
- سائقو سيارات الأجرة
«خليك إيجابى بلَّغ عنهم»، مبادرة تبناها عدد من سكان مدينة 6 أكتوبر، بعد رصدهم عدداً من التجاوزات، قام بها سائقو سيارات الأجرة خلال الفترة السابقة، تسببت فى شكاوى عديدة للمواطنين من صعوبة الوصول لوسيلة مواصلات، حيث قاموا بالتعاون مع أجهزة الشرطة، والإبلاغ عن جميع المخالفات التى يقوم بها السائقون بشكل مستمر، لضبط الحالة داخل موقف السوق القديم بالحى السادس.
أحمد كريم، صاحب المبادرة، يصف سائقى الميكروباص فى المنطقة بأنهم غير ملتزمين: «بيمشوا بمزاجهم، ولا بيلتزموا بخط السير، أحياناً بياخدوا الأجرة أكتر من مرة، وبيغلّوا فى سعرها، لدرجة أنها بتوصل لـ4 جنيهات بدل 3.5، ده بخلاف استغلالهم للسيارات لأغراضهم الشخصية، بتخصيصها كدورات للمصانع والمدارس، على حساب السكان، وفى أوقات الذروة أحياناً مش بيلاقوا سيارات فى الموقف».
ولتنفيذ المبادرة، قام «كريم» بمقابلة العميد مصطفى قنديل، مدير «مرور أكتوبر»، والاتفاق على آلية الإبلاغ عن سائق الميكروباص المتجاوز: «أى سواق ممتنع عن العمل أو متجاوز فى خط السير، بنحفظ شكله وناخد نمرة العربية ونبلغ عنه، عشان يكون فيه إجراء سريع ضده، كحَل طبعاً يساعد على ردع السواقين المخالفين».
منذ اليوم الأول لتنفيذ المبادرة عادت حالة الانضباط بشكل نسبى بين سائقى الموقف، بحسب «كريم»: «السائقين محتاجين رقابة مستمرة، كذا حد قدم بلاغات ضدهم، وده خلق حالة من الالتزام كنا عاوزينها، بدل ما كنا بنقف فى الموقف مش لاقيين عربية، وكان فيه سواقين بعد ما يمشوا مسافة طويلة يقرروا فجأة ما يكملوش الخط لحد دجلة وابنى بيتك».
