بريد الوطن.. البنات عصافير الحياة فى كل مكان
بريد الوطن.. البنات عصافير الحياة فى كل مكان
هن الأمل فى غدنا، هن المستقبل المتلألئ بالفستان الأبيض اللى جاى بفرحة ما بعدها فرحة، هن الهواء اللى طالل من الشبابيك، هن لوعة اللقاء اللى خارجة من الأبواب، هن السقف اللى بيستر البيوت من العراء، هن الرياح اللى حملت السلام، وكانت الدليل لدروب الهجرة إخفاء للأقدام، هن اللين اللى عايش فى القلوب، هن العاطفة اللى ساكنة فى الروح، هن الابتسامة اللى بين الهموم واقفة، وبين العيون سارحة، وعلى الأغصان دلال ورقة، وعلى أوراق الحب هائمة وعاشقة، هن شعاع الضوء اللى فى الظلام قاطعة، هن الأحلام اللى بتتولد فى عز النهار وتبقى حكاية خالدة من رواية لقصة، الشمس والقمر غاروا من جمالهن وطلبوا أن يكملوا أوصافهن فوق الجمال الذى امتلكن جمالاً وبريقاً، من أجل سحرهن تسابق الشعراء فى نسج الأشعار وإبداعها، وجعلوهن فى القلوب ساكنات، حتى بالحزن بتكون شاكية وباكية، هن خلايا النحل اللى بتنتج أنقى أنواع العسل فى المذاق والترياق وما أجمل غذاء الملكات، البنات كبرياؤهن فى دينهن مالوش مثيل، تربين على العهد محافظات، وعلى طاعة والديهن متمسكات، وعلى إخوتهن مساعدات مظللات، البيوت من غيرهن خاوية على عروشها، ما فى بيت إلا والفرح داخله إلا ما يكون فيه بنت بداخله، رمز الحنان والشوق اللى مغلف بأحضان دافئة.
سامى جابر
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
