بريد الوطن.. ليل الحياة
بريد الوطن.. ليل الحياة
ليل الحياة الأغمق
ما يعقّبوش غير فَجر
لو دا المرار عَوّء
ليك يا صبور الأجر
قوم بس واتوضا
واِلحق صلاة الوتر
يا محلى حضن الليل
ف مصليتك تِخْضرّ
بالدمعة فيها خشوع
أعلى من اللى اغترّ
الدنيا فيها الخير
بس امتحان الشر
يقوى عليه المؤمن
ويِرَسّب اللى اجترّ
باقى ذنوبه كسور
يصعب معاها الجبْر
ياما أسأنا كتيير
لكن له وحده السرّ
من نفسنا، من الغير
ربك كافينا الشر
فاتبسم اتبسم!
يمكن يا سيدى تسُرّ
الحاوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
