بريد الوطن.. نوبة صحيان.. احذروا مقاولى الثورات
بريد الوطن.. نوبة صحيان.. احذروا مقاولى الثورات
اليوم هكتب للمصريين، للعملاء لأ، اليوم هكتب بقلب المحب والمصرى اللى عاش فى البلد دى وشافها فى وقت العسر ووقت اليسر، شافها وهى بتقف فى وش إسرائيل وأمريكا، وتحارب وتنتصر، وشافها وهى بتمد إيديها للدنيا وهى رافعة راسها ومنتصرة، وشافها وبطلها اللى غنوا ليه ورفع راسها، والغربان بتقتله وهو فى يوم فرحه بجيشه وولاده، وشافها وهى بتقف وتلملم نفسها وتحاول تبنى من جديد وتعيش سنين طويلة فيها سنين بنا وسنين عجزت فيها، وشافها والغربان بتلم نفسها وبتزعق من جديد بصوت الخراب وتحاول تنهش فى جسدها وتنجح وتخربها وتتلم على جراحها تنكت فيه بسنانها، وشافها وهى بتصرخ من جراحها على راجل شافوا فيه الأمل وطوق النجاة، وخرجوا سيل تنادى باسمه «انزل يا سيسى»، فى وقت الغربان فى حصانة أمريكانى وألمانى وبريطانى، وغيرهم لكن البطل مفكرش فى نفسه وحياته، ووقف ومعاه جيش بطل فى وش الغربان، هانت عليهم الحياة وما هانتش عليهم مصر، وشفتها وهى بتتبنى من جديد، وشفت راجل بيفكر فى أمور عجزت عقولنا عن أن تستوعبها، من ترسيم حدود وحقول للغاز وأسطول بحرى وجوى وبرى، وشفتها وهى عفية قوية كبيرة، بعد كل ده نرجع نسلمها لمقاول ولسماسرة يقسموها من جديد.
محمد الطرابيلى - المنصورة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
