بريد الوطن.. كأنك «صلاح»
بريد الوطن.. كأنك «صلاح»
جدف بإيدك ونشف دموعك
اجهض يأسك فى رحم الجراح
صحّى الأمل من بين ضلوعك
واحلم حلمك كأنك صلاح
انسى اللى فات وافرد قلوعك
خلى تحديك هو السلاح
مهما البحور كانت غريقة
الوهم جواك مالهوش مكان
لازم تعافر وتشق الطريق
ده الأصل جواك شاهد عيان
يا كلمة تاهت بين السطور
ده الحلم فينا شبه الطيور
دلوقتى أصبح لينا كيان
ده فى وسط الضلام الحلم نور
لازم تكون ملامحك صلاح
تحدى وأمل وكمان نجاح
جدف بإيدك ونشف دموعك
اجهض يأسك فى رحم الجراح
صحى الأمل من بين ضلوعك
واحلم حلمك كأنك صلاح
محمد شيبة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
