الخرباوي: عصام العريان قالي لما نرجع نحكم هتتعلقوا على المشانق
الخرباوي: عصام العريان قالي لما نرجع نحكم هتتعلقوا على المشانق
- ثروت الخرباوي
- عصام العريان
- جماعة الإخوان
- جماعة الإخوان الإرهابية
- ثروت الخرباوي
- عصام العريان
- جماعة الإخوان
- جماعة الإخوان الإرهابية
كشف الكاتب والمفكر ثروت الخرباوي، تفاصيل لقائه، مع القيادي الإخواني عصام العريان مسؤول المكتب السياسي لجماعة الإخوان الإرهابية، داخل إحدى شركات المحمول قبل فض اعتصام رابعة.
وأضاف الخرباوي، خلال حوراه مع الإعلامية عزة مصطفى ببرنامج "صالة التحرير"، عبر شاشة "صدى البلد": "قابلته قدرًا قبل قبل فض رابعة، وتجاهلته لما شوفته عملت نفسي مش واخد بالي، بس هو اللي جه ربت على كتفي، وبدأ يتكلم ويقول إوعى تفتكر إننا خلاص، لا إحنا راجعين نحكم تاني ولما نرجع نحكم انتوا كلكوا هتتعلقوا على المشانق".
واستكمل: "فكلمته وقولتله الإسلام مش كده إيه اللي أنتوا بتقولوه ده، ودار حوار طويل بينا، وبعدين قولتله أه ما هو القتل حرفتكوا"، متابعًا: "قولتله ما أنتوا قتلتوا حسن البنا وعبد الرحمن السيندي، راحت عينه زاغت، وقالي مين اللي قالك الكلام ده، فمردتش عليه، راح قالي عمومًا، إذا كنتوا هتستندوا لمذكرات الشيخ أحمد السكري، فبيته في المحودية اتفتح واتسرق، مفيش مذكرات عنده ولا عند ولاده، المذكرات بتاعته عندنا واتحرقت، رديت عليه قولت محدش بيقدر يخبي الحقيقة طول الوقت".
وأوضح أن لجماعة الإخوان الإرهابية الكثير من السراديب أسفل الأرض التي تحوي العديد من أسرارهم التي لا يجوز لأحد الاطلاع عليها، مشيرًا إلى ظهورها من حين لآخر ويتم اكتشافها والتعرف عليها.
