مطعم يخصص جنيهاً على كل وجبة.. كُل واشكر
مطعم يخصص جنيهاً على كل وجبة.. كُل واشكر
- مدينة زفتى
- الغربية
- محافظة الغربية
- أصحاب المطاعم
- الزبائن
- إعانة الأطفال
- الأطفال الأيتام
- تجهيز العرائس
- مدينة زفتى
- الغربية
- محافظة الغربية
- أصحاب المطاعم
- الزبائن
- إعانة الأطفال
- الأطفال الأيتام
- تجهيز العرائس
«اطلب أوردر وخد ثواب»، فكرة أطلقها مطعم فى مدينة زفتى بالغربية، لمساعدة المحتاجين والفقراء بالمال بدلاً من توزيع الطعام عليهم، تعتمد الفكرة على تجميع جنيه واحد على كل «أوردر» يُخرجه المطعم يومياً، على أن يتم التبرع بهذه الأموال نهاية كل شهر للمساهمة فى إعانة الأطفال الأيتام أو تجهيز العرائس.
محمد الفخرانى أطلق الفكرة منذ أسبوعين، ولاقت صدى كبيراً بين أهالى المدينة: «الناس مبسوطة بالفكرة، وإحنا اختَرنا تنفيذها فى سبتمبر لأننا بنعتبره شهر السعادة بالنسبة لنا، يعنى مثلاً لو عميل طلب 5 كريب هنتبرع قدام كل كريب بجنيه فى الصندوق.. وهكذا».
«الخير بيجيب الخير» جملة أطلقها «الفخرانى» بنبرة تملؤها السعادة بسبب تزايد فى حجم الإقبال: «الناس حابة فكرة المساهمة فى الثواب، إحنا عاملين عروض كتير جداً على الوجبات الشهر ده لإرضاء الزبائن».
وحسب قوله، فإن الأموال سيتم توزيعها على قسمين، الأول سيتم تجهيز عرائس به وتوزيعه بأوجه خير مختلفة، والثانى سيتم إعطاؤه هدية لزبون سيتم اختياره بشكل عشوائى: «هنساعد عروسة أو واحدة زوجها متوفى، وبكده نعمل تفاعل مع الزبائن».
إعجاب بعض أصحاب المطاعم الأخرى فى المدينة بالفكرة، جعلهم يسعون لتنفيذها: «يا ريت نبقى 4 أو 5 مطاعم والفكرة تكبر، فى النهاية الخير هيزيد والناس هى اللى هتستفيد». ويراهن «الفخرانى» على يوم الخميس فى زيادة نسبة الأموال المجمعة: «يوم الخميس بيكون فيه ضغط كبير فى الشغل، ممكن نطلع منه بمبلغ كويس يفرق معانا، ويزود من أوجه المساعدة».
