"كان مريض بمرض خطير وتعافى".. شذى تكشف الحالة الصحية لهيثم شاكر

07:19 م | الجمعة 16 أغسطس 2019

كشفت الفنانة شذى، عن الحالة الصحية للفنان هيثم شاكر، الذي أعلن مؤخرا عن مروره بأزمة صحية كانت السبب في ابتعاده عن الساحة الفنية في الفترة الأخيرة.

ونشرت شذى، عبر حسابها الرسمي على "انستجرام" تعليقا عن حالة شاكر الصحية قائلة، "من إمبارح بيجيلي تليفونات اللي زعلانين مني علشان أنا من أصحاب هيثم القريبين، وكنت عارفه ومقولتش على مرضه، واللي أصلا بيشكك إن هيثم كان تعبان".

وأضافت، "عموما علشان مش هينفع أرد على كل المكالمات، هيثم كان فعلا مريض بمرض خطير، ربنا يبعد كل شر عن أي حد يا رب، والحمدلله هو تعافى بس هو لسه في حاجات كتير محروم منها وأهمها حاجة أساسية لأي كائن حي، وهي نعمة الأكل، هيثم لحد دلوقتي وهيفضل كده ميقدرش ياكل بشكل طبيعي، وده سبب اختفائه كل الفترة دي".

وتابعت، "وبسبب دا فقد كتير جدا من وزنه، عموما محدش بيسيب نجاحه بمزاجه ويختفي، ومش معنى إن أي حد بينزل صور ولا بيبين إنه مبسوط إن دي بتكون الحقيقة، كل واحد عندوا حته مستخبية محدش عارف عنها حاجة، أنا كتبت كده علشان محدش يلومني ليه مكنتش بقول وعموما، برضوا هيثم هو اللي مكنش حابب حد يعرف حاجة عن كل معاناته دي علشان أصحاب النفوس المريضة ميفهموش إن هو بيعمل أي حوارات علشان يبرر بيها غيابه، ولما قرر يعرف جمهوره وأصحابه عرفهم، وهو منور وفرحان بنجاح ألبومه اللي في وسط كل ده كان مهتم برضو مينزلش بأي حاجة، وكان عنده إصرار يعمل ألبوم محترم".

واختتمت، "مبروك يا هيثوم وحمدلله على سلامتك، وإفرح بتعبك في ألبومك وبالناس اللي بتحبك".

وطرح شاكر ألبوم "معرفة قديمة" منذ أيام ويضم 14 أغنية.