جزار متطوع لذبح الأضاحى: كله بثوابه

10:26 م | الاثنين 12 أغسطس 2019

لم يستطع شراء أضحية كعادته كل عام، لكنه شارك فى ثوابها بجهده ووقته، متطوعاً بذبح الأضاحى للأهالى مجاناً.

أحمد غباشى، جزار، فور الانتهاء من صلاة عيد الأضحى، ارتدى الملابس المخصّصة للجزارة، و«الكوزلوك» الأبيض، وقام بالمرور على أصحاب الأضاحى المجاورين له بمدينة المنصورة، لمشاركتهم عملية الذبح، حتى رابع أيام العيد.

يقدّم «أحمد» فرصة مغرية لأصحاب الأضاحى، فى ظل ارتفاع أسعار الذبح لهذا العام: «السنة دى ماكانش معايا أضحى زى ما اتعودت، فحبيت أشارك باللى أقدر عليه»، العرض الذى سرعان ما انتشر بين جيرانه، وانهالت عليه طلبات الذبح، حتى اضطر إلى تحديد مواعيد لأصحاب الأضاحى، لإنجاز المهمة كاملة: «اتفقت مع ناس كتير إنى أساعدهم كل يوم، بس أكتر الدبايح كانت أول يوم، والدبيحة مابتاخدش فى إيدى ساعة ونص، بالنسبة للعجل، سلخ وتقطيع وتعبئة كمان، ده غير إنى اتعودت أقطع بالتساوى، علشان الكميات اللى هتروح للناس الغلابة تبقى بالتساوى، والناس بتعتمد عليا وتثق فيا».

يعمل «أحمد» فى مجال الجزارة منذ 20 عاماً تقريباً، واكتسب خبرة كبيرة فى مجال الذبح، ميزته عن باقى الجزارين فى مدينة المنصورة، وقرر إغلاق محل الجزارة الخاص به طوال أيام العيد، والتفرّغ للعمل التطوعى: «باشغل وقتى وأعمل الحاجة اللى باحبها، وكمان باخد ثواب»، التجربة التى ينوى تكرارها كل عام.