ملجأ «حنان»: إيواء وعلاج مجاناً لـ«كلاب الشوارع»
ملجأ «حنان»: إيواء وعلاج مجاناً لـ«كلاب الشوارع»
- إنقاذ كلاب الشوارع
- كلاب الشوارع
- الكلاب المريضة
- حماية الحيوان
- إنقاذ الكلاب
- ملجأ
- إنقاذ كلاب الشوارع
- كلاب الشوارع
- الكلاب المريضة
- حماية الحيوان
- إنقاذ الكلاب
- ملجأ
إنقاذ كلاب الشوارع ذات الحالات الحرجة وعلاجها بإجراء عمليات جراحية وتقديم الرعاية لها، هدف أسست من أجله حنان دعبس ملجأها فى منطقة أبوصير، قبل 7 أعوام، تحت مسمى «حماية الحيوان».
مشاهد مؤلمة وإصابات كانت تتابعها «حنان»، سواء فى الشوارع أو على صفحات السوشيال ميديا، تتعرض لها الكلاب فى الشارع من مختلف الفئات دون رحمة أو شفقه، ما دفعها إلى تأسيس الملجأ الذى لا يستقبل سوى الحالات شديدة المرض من جميع المحافظات: «إحنا مؤسسة غير هادفة للربح، مش بنستقبل الكلاب السليمة لأن الأولى الكلاب المريضة اللى أصحابها رموها فى الشارع أو البلدى اللى بتتعرض لتعديات من المواطنين، تبقى مرمية فى الشارع وعندها بتر أو مرمى عليها مية نار ومحدش شاغل باله بأنها بتتعذب».
مؤسِّسة الملجأ: لا نستقبل سوى الحالات الحرجة
عن طريق المكالمات الهاتفية أو الرسائل على صفحة الملجأ تذهب «حنان»، مع مساعديها لإنقاذ الكلاب وعرضها على الطبيب البيطرى لتشخيص حالتها، وإرسالها لعيادات خاصة لإجراء عمليات جراحية، ويتكفل الملجأ بتحمل نفقاتها أو من خلال التبرعات: «العمليات يصل سعرها 4 آلاف جنيه، كلاب عندها أورام وكسور وعمى واتعالجوا وبقوا يتحركوا ويشوفوا تانى ويقيموا فى الملجأ لحد ما حد يتبناهم، نفسى الحكومة تهتم بتطعيم الكلاب فى الشارع ومش هيبقى فيه خطر منهم».
لم تنسَ «حنان» محاولة إنقاذها لـ4 كلاب مصابة بـ«مية نار» فى مناطق مختلفة بالجسم، لكن خطورة الإصابة صعبت عملية الإنقاذ رغم وضعها تحت العناية المركزة 24 ساعة: «للأسف أغلب الإصابات بيبقى سببها عنصر بشرى، فى الحالة دى مية النار فضلت تاكل فى جسمهم لحد ما ماتوا، عشان كدا باسمح بتبنى الكلاب خارج مصر فقط وللأجانب فقط عشان ببقى ضامنه رعايتهم».
