عروض خاصة على لحوم النعام فى العيد: الكيلو بـ200 جنيه.. والتوصيل للبيت
عروض خاصة على لحوم النعام فى العيد: الكيلو بـ200 جنيه.. والتوصيل للبيت
- عيد الأضحى
- لحمة ضاني
- لحوم النعام
- مزارع النعام
- اللحوم البلدية
- لحم نعام
- عيد الأضحى
- لحمة ضاني
- لحوم النعام
- مزارع النعام
- اللحوم البلدية
- لحم نعام
قبل أيام من عيد الأضحى، رفع بعض المواطنين من مرضى القلب والسكر والضغط وكارهى اللحمة الضانى، شعار «لحوم النعام هى الحل»، مقررين تناول لحوم النعام كبديل عن اللحوم البلدية، لقضاء عيد أضحى بدهون أقل، عزّز من ذلك العروض التى قدّمتها مزارع النعام للتشجيع على شرائه فى العيد.
تتميز بدهون أقل.. ومفيدة لمرضى القلب والسكر والضغط
«كيلو صافى بـ200 جنيه»، عرض يقدّمه كريم على، صاحب مزرعة لبيع لحوم النعام بالقاهرة، وذلك بالتزامن مع بداية موسم عيد الأضحى: «عملنا تخفيض 25 جنيه فى الكيلو علشان العيد، فيه ناس بتحجز بالطلب وبياخدوا كميات، خاصة مرضى القلب والسكر والضغط وفقر الدم، لأن اللحوم فيها نسبة عالية من البروتينات ودهون قليلة جداً، يعنى صحية أكتر».
تصل نسبة الإقبال خلال هذه الفترة إلى 40%: «اللى بياخد مرة بتعجبه وبيكررها تانى وبيطلب كميات أكبر، إحنا بندبح بالطلب، مش زى الجزارين، لأن لحوم النعام فيها نسبة عالية من الحديد ماينفعش تتعرّض للهواء». يروى «كريم» أن ما يجذب الزبائن لشراء تلك اللحوم هو سرعتها فى الطهى: «بتتعمل مشاوى، وطواجن، وبفتيك، تسوية البفتيك مش بتاخد 5 دقائق على النار، واللحمة بتاعتها مش بيقل وزنها».
«الذبح بالطلب والتوصيل للمنازل»، قالها أدهم أبوالحسن، صاحب مزرعة لبيع لحوم النعام بطريق مصر - إسكندرية الصحراوى، والذى يلاحظ تغير ثقافة الزبائن فى شراء اللحوم: «الناس اتغيرت ثقافتها بنسبة 60%، المرضى وكبار السن هم أول المقبلين على الشراء خلال فترة العيد، الناس دى بيكون اللحم الضانى تقيل بالنسبة ليها». ويوفر «أبوالحسن» خدمة توصيل الطلبات للمحافظات المختلفة.
