كافيه للكلاب في مول بـ"أكتوبر": أكل ولعب وتمارين بـ20 جنيها يوميا

07:23 م | السبت 13 يوليو 2019

داخل مول تجارى فى مدينة 6 أكتوبر، قرر ناصر عبدالعزيز، تأسيس كافيه لاستضافة الكلاب، التى يرغب أصحابها فى قضاء بعض المشاوير ويكون من الصعب اصطحابها معهم.

منذ 3 أشهر بدأ الشاب الذى تخرّج فى كلية الهندسة الصناعية، بجامعة 6 أكتوبر للعلوم والتكنولوجيا، إطلاق مشروعه بعد سنوات قضاها فى تدريب الكلاب وتأهيلها للحراسة.

يقدم الكافيه عدة خدمات وأنشطة للكلاب بـ20 جنيهاً فى اليوم، كأكلات وألعاب، بجانب تمارين رياضية خاصة لتأهيلها: «المكان مفتوح لأصحاب الكلاب اللى عندهم مشكلة فى التنقل بالكلاب، ومش لاقيين مكان يسيبوهم فيه لحد ما يخلصوا، وفى نفس الوقت بيخافوا يسيبوهم فى الشارع، خوفاً من تعرّضهم للخطر».

وحسب «ناصر»، يقدم مجموعة مع المدربين تمارين خاصة لتأهيل الكلاب وتحسين سلوكها واتزانها نفسياً، لكونها موجودة فى مكان مغلق مكيف: «نقدم للكلاب وجبة من الكانز بأطعمة مختلفة فراخ أو لحمة».

يشمل إجراء فحص طبى لمنع العدوى

لم يكتفِ «ناصر» بذلك، بل استعان بطبيب بيطرى موجود طوال الوقت فى الكافيه، لإجراء فحوصات طبية على الكلاب قبل دخولها للتأكد من عدم معاناتها من أى أمراض جلدية أو عضوية حتى لا يكون الكافيه فرصة لنقل الأمراض بين الكلاب وبعضها: «بييجى لنا كمان أشخاص نفسهم يربوا كلاب بس إمكانياتهم مش سامحة أو أسرهم رافضين يسمحوا لهم باقتنائها، فبييجوا يلعبوا مع الكلاب ويقضوا معاها وقت لطيف».